Msichana aongoza Form II kitaifa

Katibu Mtendaji wa Baraza hilo, Dk. Charles Msonde.

Baraza la Taifa la Mitihani (NECTA), limetangaza matokeo ya kidato cha pili huku msichana, Lineth Christopher kutoka Shule ya Sekondari ya St. Aloysius Girl’s ya mkoani Pwani, aking’ara kitaifa.

Matokeo hayo yalitangazwa jana jijini Dar es Salaam na Katibu Mtendaji wa Baraza hilo, Dk. Charles Msonde, ambaye alisema waliofanya mtihani huo mwaka jana walikuwa ni wanafunzi 363,666 sawa na asilimia 91.66.

Alisema kati ya walioufanya mtihani huo, waliofaulu ni wanafunzi 324,068 sawa na asilimia 89.12, ambapo wasichana ni 164,547 sawa na asilimia 89.00 na wavulana ni 159.521 sawa na asilimia 89.24.

Dk. Msonde alisema wanafunzi 39,567 sawa na asilimia 10.88 walishindwa kupata alama za kuwawezesha kuendelea na masomo ya Kidato cha tatu; hivyo watarudia darasa wakati wanafunzi 33,104 sawa na asilimia 8.34 hawakufanya mtihani huo kwa sababu za utoro na magonjwa.

Alisema idadi ya watahiniwa waliopata ufaulu mzuri wa madaraja ya Distinction, Merit na Credit ni 155,667 sawa na asilimia 42.80 ambao kati yao wasichana ni 68,780 sawa na asilimia 37.20 na wavulana ni 86.887 sawa na asilimia 48.60.

Alisema katika ufaulu wa masomo, somo la hesabu limeshika mkia kwa kupata ufaulu wa asilimia 15.21 wa jumla wakati somo la Kiswahili limefanya vizuri kwa kuwa na ufaulu wa jasilimia 86.34.

Aliongeza kuwa ufaulu wa masomo ya siasa, historia, geografia, kingereza, fizikia, baiolojia, hesabu na utunzaji wa hesabu ‘Book Keeping’ umeshuka ukilinganishwa na mwaka 2014, hivyo aliomba juhudi za makusudi zifanyike.

Alisema ufaulu wa wanafunzi katika masomo ya msingi ya Kiswahili, Biashara, na Kemia umepanda ikilinganishwa mitihani iliyopita.

Aidha, alisema wanaamini kuwa masomo yanayotegemea maabara yatafanya vizuri hapo baadaye kutokana na juhudi za serikali zinazofanyika za kuboresha maabara hizo.

WATAHINIWA KUMI BORA KITAIFA

Aliwataja kuwa ni Lineth aliyeng’ara kitaifa akifuatiwa na Jerry Panga (Marian Boys Pwani), Rhobi James Simba (Marian Girls) zote za Pwani.

Wengine ni Colin Emmanuel (Feza Boys Dares Salaam), Nickson Maro (Magnifcat Kilimanjaro), Diana Mwakibinga (Morning Star Mwanza), Elisha Peter (Buswelu Mwanza), Gaudencia Lwitakubi (Alliance Girls Mwanza), Fuad Thabit (Feza Boys Dar es Salaam) na Geraldina Kyanyaka (Canossa Dar es Salaam).

WASICHANA 10 BORA KITAIFA

Aliwataja wasichana bora kuwa ni Lineth, Rhobi, Diana, Gaudencia, Geraldina na Renata Chikola ambao wanatoka (St. Aloysius Girls).

Wengine ni Happyness Mwailunga (Canossa), Monica Tesha (St. Aloysius), Judith Amos (Precious Blood) na Amina Khalfan (Fedha Girls).

WAVULANA 10 BORA KITAIFA

Dk. Msonde aliwataja kuwa ni Jerry, Colin, Nickson, Elisha, Fuad, Mwinangwa Chibunde (Mwanza Alliance), Baraka Muhammed (Eagles Pwani), Joshua Kafula (Libermann Boys), Emmanuel Magombi (Morning Star), Frank Charles (Marist Boys).

SHULE 10 BORA

Katibu huyo alizitaja kuwa ni Mwanza Alliance, Mwanza Girls, Alliance Rock Army, St. Francis Girls, Bethel Sabs Girls, Don Bosco Seminary, Shamsiye Boys, Feza Boys, Feza girls na Canossa. 

SHULE 10 ZA MWISHO

Alizitaja kuwa ni Michenjele (Mtwara), Furaha (Dar es Salaam), Ndando (Tanga), Mlongwema (Tanga), Kwai (Tanga), Lionja (Lindi), Mkoreha (Mtwara), Mlungui (Tanga) Makong’onda (Mtwara) na Kwaluguru (Tanga).

Dk. Msonde alisema baraza linawasihi Maofisa Elimu wa Mikoa na Wilaya wadhibiti ubora wa elimu kwa kufuatilia ili kuhakikisha ufundishji katika maeneo yaliyotakiwa kutiliwa mkazo unafanyika.

Pia aliwataka wazazi kutoa ushirikiano kwa walimu ili kuhakikisha mazingira ya ufundishaji yanaboreshwa.

CHANZO: NIPASHE

Serikali ya JK ilipoteza trilioni 30/- miaka mitano.

Rais John Magufuli

Kuongezeka kwa makusanyo ya kodi katika serikali ya Rais John Magufuli hadi kufikia Sh.trilioni 1.4 kwa mwezi, kunadhihirisha kwamba kulikuwapo na upotevu wa mapato ya Sh.trilioni 30 kwa kipindi cha miaka mitano ya mwisho ya Rais wa nne, Jakaya Kikwete.

Serilali ya JK ilikuwa ikikusanya wastani wa Sh. bilioni 900 kwa mwezi.

Kuwapo kwa utofauti ya wastani wa Sh.bilioni 500 kwa mwezi wa makusanyo ya kodi baina ya serikali ya Magufuli na ya Kikwete, inaonyesha kulikuwapo na mianya mingi ya uvujaji wa mapato kwa miaka mitano ya mwisho ya uongozi wake kuliko tu wizi wa makontena katika Bandari ya Dar es Salaam.

Kaimu Kamishna Mkuu wa Mamlaka ya Mapato Tanzania (TRA), Alphayo Kidata, aliwaambia waandishi wa habari Januari 4 kuwa wamevuka lengo la makusanyo ya mwezi Desemba; baada ya kukusanya Sh. trilioni 1.4, ikiwa ni ongezeko la wastani wa Sh.bilioni 500 kwa mwezi.

Kwa kipindi cha miaka mitano ambayo ni sawa na miezi 60 ya uongozi wa Rais Kikwete, TRA haikuwahi kupata kiwango cha makusanyo ya kodi kama kilichofikiwa na uongozi wa Rais wa tano Magufuli, kwa mwezi mmoja.

Kwa maana hiyo inadhihirisha kuwa kwa kipindi cha 2010-2015, watendaji waliopewa dhamana ya kukusanya kodi walishindwa kumsaidia Rais kukusanya kodi vizuri, ambayo ingewasaidia wananchi kupata huduma muhimu za kijamii.

Wakati akilihutubia bunge mjini Dodoma Novemba 20, mwaka jana, Rais Magafuli alisema katika kipindi cha miaka mitatu iliyopita ukusanyaji wa mapato umekuwa chini ya makadirio kwa sababu mbalimbali ikiwamo watendaji kutosimamia vizuri makusanyo hayo pamoja na rushwa.

Alieleza kuwa serikali atakayoiunda itaongeza nguvu katika upanuzi wa wigo wa kodi na kuongeza ufanisi katika ukusanyaji wa mapato.

“Tutahakikisha kwamba kila mtu anayestahili kulipa kodi analipa kodi stahiki," alisema Rais Magufuli na kufafanua "hatutasita kumchukulia hatua mtu yoyote atakaye kwepa kulipa kodi. 

"Tunawaomba wananchi mhakikishe mnapewa risiti kila mnaponunua bidhaa au huduma. Kodi ni kitu muhimu lazima kila mtu anayestahili kulipa kodi alipe.”

Alieleza kuwa serikali yake itahakikisha kila senti inayoongezeka katika mapato ya Serikali inaelekezwa katika kutoa huduma bora zaidi kwa wananchi, kwa kuziba mianya ya upotevu wa fedha za Serikali ambayo inaipunguza uwezo wake wa kuwahudumia wananchi.

Katika kutekeleza agizo hilo, tangu alipoapishwa Novemba 5 hadi 31, mwaka jana serikali ya Rais Magufuli ilikusanya kodi ya Sh. trilioni 1.3 kabla ya kufikia Sh. trilioni 1.4 Desemba, wakati lengo kuu likiwa ni kukusanya Sh.trilioni 12.3 kwa mwaka.

Katika kipindi cha mwezi Julai hadi Desemba, mwaka jana TRA, ilikusanya Sh.trilioni 6.4 kulinganisha na lengo la Sh.trilioni 6.5 ambayo ni sawa na asilimia 95.5 ya makusanyo yote.

TRILIONI 30 ZINGEWEZA KUFANYA NINI

Magari ya kubebea wagonjwa (Ambulance)

Agosti 28, 2014 kulikuwa na taarifa kwenye vyombo vya habari kuwa kampuni ya Biolands International ilikabidhi msaada wa gari la kubebea wagonjwa (ambulance) aina ya Nissan Patrol kwa Halmashauri ya Wilaya ya Kyela lenye thamani ya Sh. milioni 76.

Kwa maana hiyo, kama Sh.trilioni 30 zingetumika kununulia magari ya kiwango cha lile la msaada Halmashauri ya Wilaya ya Kyela, maana yake taifa lingepata magari mapya ya kubebea wagonjwa 394,736 na hivyo kumaliza tatizo la ukosefu wa magari hayo katika vituo vya afya na hospitali nyingi nchini.

Uchunguzi wa Nipashe umebaini kuwa kama Sh. trilioni 30 zinazokadiriwa zingekusanywa katika kipindi cha miaka mitano ya mwisho ya utawala wa Rais Kikwete, zingeweza kufanya mambo mengine mengi ya maendeleo kwa taifa.

MAABARA ZA SEKONDARI

Mkuu wa Shule ya Sekondari Tandika, Hussein Mpungusi, alikaririwa Aprili 20, 2015, akisema walikamilisha ujenzi wa maabara mojawapo shuleni hapo kwa Sh. milioni 58.2. Kwa sababu hiyo, Sh.trilioni 30 zingeelekezwa kwenye maabara jumla ya maabara 515,464 zingepatikana.

VISIMA VYA MAJI SAFI

Aidha, kwa mujibu wa Mbunge wa Singida Magharibi, Emmanuel Kingu (CCM), gharama ya kuchimba kisima cha maji safi kwenye jimbo lake ni wastani wa Sh. milioni 15. Kwa sababu hiyo, kama Sh.trilioni 30 zingetumika kuchimba visima vya kiwango sawa na vile vya Jimbo la Singida Magharibi, vingepatikana visima milioni 2.

MADAWATI

Mbunge wa Kingu aliwahi kukaririwa na gazeti hili mwaka jana akisema wastani wa bei ya dawati moja linalokaliwa na wanafunzi watatu wa shule ya msingi katika jimbo lake ni Sh. 15,000. Kwa sababu hiyo, Sh.trilioni 30 zingetosha kununua madawati billion 2 ya kiwango sawa kama ya Jimbo la Singida Magharibi na kumaliza tatizo hilo nchini kote na mengine yakabaki kwa kukosa wanafunzi wa kuyatumia.

BARABARA ZA LAMI

Vyanzo mbalimbali vinaeleza kuwa wastani wa kujenga barabara ya lami ya umbali wa kilomita moja ni Sh. bilioni moja. Kwa sababu hiyo, Sh.trilioni 30 zingeelekezwa katika ujenzi wa barabara, maana yake taifa lingepata barabara mpya ya urefu wa kilomita 30,000, ikiwa na maana kuwa kusingekuwa na barabara ya vumbi nchini. 

MIKOPO WANAFUNZI ELIMU YA JUU

Katika uchunguzi wake, Nipashe imebaini kuwa mwanafunzi wa mwaka wa kwanza wa Shahada ya Uhandisi wa Madini katika Chuo Kikuu cha Dar es Salaam (UDSM) anayepata mkopo wa asilimia 100 hulipwa na Bodi ya Mikopo ya Wanafunzi wa Elimu ya Juu (HESLB) jumla ya Sh. 4,219,500 kwa mwaka.

Mchanganuo wa mkopo huo kwa mwaka wote wa masomo ni Sh. 2,099,500 kwa ajili ya chakula na malazi, Sh. 200,000 ya vifaa, Sh. 620,000 kwa ajili ya mafunzo ya vitendo, ada Sh. milioni 1.3. 

Kwa sababu hiyo, ikiwa Sh.trilioni 30 zitatumika kuwakopesha wanafunzi wa elimu ya juu kama wa mwaka wa kwanza wa Shahada ya Uhandisi wa Madini wanaolipwa asilimia 100, maana yake wanafunzi milioni 7 wangenufaika na mkopo huo.

VIPIMO CT-SCAN

Vyanzo mbalimbali vya Nipashe vinaeleza kuwa kipimo maarufu cha CT-Scan, aina ya Phillips huuzwa kwa wastani wa Sh. milioni 600 hadi bilioni moja. Kwa kutumia bei ya juu, Sh.trilioni 30 zingeweza kununua CT-Scan 30,000 na kufungwa katika hospitali zote za rufaa nchini na nyingine nyingi zikabaki kwa hospitali za wilaya, vituo vya afya na zahanati katika kila kijiji.

MIKOPO KWA KINA MAMA

Akina mama wengi wanaojihusisha na biashara ndogo ndogo huhitaji mikopo ya kuanzia Sh. 50,000 hadi Sh. 500,000 tu ili kufanikisha biashara zao.

Kwa sababu hiyo, Sh.trilioni 30 kama zingetumika kuwakopesha wajasiriamali wanawake, wanufaika wangekuwa kina mama milioni 60 ambao kila mmoja angepata Sh. 500,000. Jumla ya Watanzani wote ni milioni 45 kwa mujibu wa sensa ya mwaka 2012.

WASOMI WANASEMAJE

Mkurugenzi wa Sera na Ushawishi wa Shirikisho la Viwanda katika sekta binafsi nchini (CTI), Hussein Kamote alisema wakati wa utawala wa Rais aliyetangulia kulikuwa na usimamizi usiokuwa madhubuti katika ukusanyaji kodi.

Alisema serikali isiangalie eneo la bandari tu katika makusanyo ya kodi bali iangalia katika Nyanja za Kodi ya Ongezeko la thamani (VAT) na Kodi ya Mapato.

“Eneo la ushuru wa forodha nalo liangaliwe, wafanyabiashara wengi wanaingiza bidhaa kupitia bandari bubu, pia kama serikali itawekeza katika maeneo ya kutengeneza uchumi nchi itasonga mbele,” alisema Kamote.

Alisema kukusanywa kwa Sh.trilioni 1.4 kunaweza kupunguza mahitaji ya kila mwaka ya kuongeza kodi katika pombe, sigara, sukari na mafuta.

Aidha, alisema kuongezeka kwa makusanyo ya kodi kutasaidia miradi ya maendeleo kutekelezwa, kukua kwa uchumi na kuimarishwa kwa miundombinu.

Naye Mkurugenzi Mtendaji wa Taasisi ya Uongozi na Ujasiriamali na masuala ya uchumi, Dk. Donath Olomi alisema makusanyo ya Sh.trilioni 1.4 yaliyofikiwa na serikali ya Rais Magufuli yanaonyesha hakukuwa na umakini wa makusanyo ya kodi kwa serikali iliyopita.

Alisema endapo pesa hizo zikitumika katika sekta za afya, elimu, mikopo kwa wanafunzi vyuoni itakuwa imegusa wananchi wengi wa maisha ya chini.

Naye Mhadhiri kutoka Chuo Kikuu cha Ardhi, Profesa Alphonce Kessy alisema kukusanywa kwa kiwango hicho kikubwa cha kodi kumedhihirisha kuwa serikali inaweza kukusanya kodi nyingi ambazo zinaweza kuisaidia nchi.

“Fedha zilizokusanywa ndizo ambazo wanafunzi wa vyuo vikuu sasa hivi wamepewa mikopo, ndizo zilizopelekwa katika shule na wanafunzi wanasoma bure, ndizo zilizopelekwa katika sekta ya afya kununulia dawa,” alisema Profesa Kessy.

Alisema pia hatua hiyo inaonyesha watendaji katika serikali iliyopita hawakuwa makini katika kusimamia na kutekeleza makusanyo ya kodi.

CHANZO: NIPASHE

Mwalimu akutwa amejinyonga chumbani

Kaimu Kamanda wa Polisi Mkoa wa Ruvuma, Revocatus Malimi.

NA WAANDISHI WETU

Mwalimu wa Shule ya Msingi Peramiho, Songea mkoani Ruvuma, Baraka Mwakajila (29), amekutwa amefariki dunia baada ya kujinyonga kwa kutumia shati ndani ya nyumba alimokuwa akiishi.

Kaimu Kamanda wa Polisi Mkoa wa Ruvuma, Revocatus Malimi, alisema jana kuwa tukio hilo limetokea juzi saa sita mchana katika mji mdogo wa Peramiho, nje kidogo ya Manispaa ya Songea.

Malimi alisema inadaiwa kuwa siku hiyo ya tukio, Mwalimu Mkuu Msaidizi, Rashid Pilly, aligundua kujinyonga kwa mwalimu huyo, baada ya kupita eneo la nyumba aliyokuwa anaishi na kuona nzi wengi wametapakaa kwenye eneo la dirisha la chumba alichokuwa analala.

Alifafanua zaidi kuwa Mwalimu Pilly baada ya kuona hali hiyo, alisogea hadi mlangoni na kukutwa mlango ukiwa umefungwa huku eneo hilo likiwa na harufu kali iliyoashiria kuna kitu ambacho kimeoza.

Alisema baadaye Mwalimu Pilly alilazimika kwenda kutoa taarifa kwenye kituo kidogo cha Polisi cha Peramiho na baadaye askari polisi wakiwa wameongozana na mganga, walifika eneo la tukio.

Baada ya kufika, alisema walivunja mlango na kuingia ndani ya nyumba hiyo ambako walimkuta Mwalimu Mwakajila akiwa tayari ameshakufa muda mrefu baada ya kujinyonga.

Alisema Mwakajila alijinyonga ndani ya nyumba ambayo ni mali ya shule na askari walikuta barua chini ya sehemu aliyojinyongea iliyokuwa imeandikwa Januari 4 mwaka huu na mwanamke (jina linahifadhiwa), anayedaiwa kuwa ni mpenzi wake, ambaye alimtaka aachane naye na aendelee na maisha yake.

Malimi alisema polisi baada ya kuiona na kuisoma, waliendelea kuufanyia upekuzi mwili wa marehemu na kukuta pia karatasi kwenye mfuko wa suruali yake, ambayo Mwakajila aliandika Januari 2, mwaka huu, akimtuhumu mpenzi wake huyo kuwa amekuwa malaya na mlevi

Kamanda Malimi alisema polisi wanaendelea na uchunguzi zaidi kuhusiana na tukio hilo na mwili wa marehemu umekabidhiwa kwa ndugu kwa ajiki ya taratibu za mazishi.

CHANZO: NIPASHE

Burkina Faso security frees 120 hostages in AL-Qaeda hotel attack

Assault begins at second hotel in capital of Ouagadougou after up to 20 killed in hotel popular with UN staff and foreigners

Fire and smoke rising from the Splendid hotel in Ouagadougou where militants are holding hostages. Photograph: Reuters

Nadia Khomami and agencies in Ouagadougou

Burkina Faso security forces have freed more than 120 hostages from a hotel seized by al-Qaida-linked fighters in the capital of Ouagadougou, but a second assault has begun at another hotel nearby, according to reports.

“Three jihadists were killed. They were an Arab and two black Africans,” Simon Compaore, the country’s security minister, said of the raid which concluded early on Saturday morning. Up to 20 people had been killed and 33 people wounded in the attack, with forces still determining the number of casualties.

Islamic extremists invaded the Splendid hotel and the Cappuccino cafe on Friday night. The militants took control of the five-storey hotel, which is popular with UN staff and foreigners, burning cars outside and firing in the air to drive back crowds.

FacebookTwitterPinterest Vehicles on fire outside the Splendid Hotel. Photograph: Reuters Tv/Reuters

Security forces freed at least 60 hostages when they first stormed the building, with commandos continuing to fight a floor-by-floor battle with the gunmen several hours after the initial attack.

It was not immediately known how many people remained inside the Splendid Hotel but security officials said 126 people had been freed.

Dozens of French forces arrived overnight from neighbouring Mali to aid in the rescue. One member of the US military was embedded with the French forces at the scene, and the US was working to provide France with surveillance and reconnaissance help, according to a US senior defence official.

FacebookTwitterPinterest French gendarmes tend to a wounded man outside the hotel. Photograph: Nabila El Hadad/AFP/Getty Images

The source told Associated Press that there were about 75 US troops in Burkina Faso: 15 assigned to the embassy and about 60 assisting the French military.

An al-Qaida affiliate known as AQIM, or al-Qaida in the Islamic Maghreb, claimed responsibility online during the attack, according to the SITE Intelligence Group. In a message posted in Arabic on the militants’ “Muslim Africa” Telegram account, it said fighters “broke into a restaurant of one of the biggest hotels in the capital of Burkina Faso, and are now entrenched and the clashes are continuing with the enemies of the religion”.

Fighters who spoke by phone later “asserted the fall of many dead crusaders”, AQIM said, according to SITE.

The attack follows a raid on a hotel in neighbouring Mali last November, in which 20 people died, including 14 foreigners, as well as attacks by militants in other countries in west Africa.

One witness told Associated Press he saw four men attack the hotel and neighbouring cafe at about 7.30pm. Another witness said that when security forces arrived, they turned around rather than confronting the attackers.

Vital Nounayon, a waiter at a restaurant across the street from the hotel, said: “We had just opened and there were a few customers we started to serve when we heard gunshots ... There were three men shooting in the air.

“Lots of people left their cars and motorcycles and ran. The attackers set fire to the vehicles. They also fired on the Cappuccino cafe across from the hotel before setting it on fire,” he said, adding that the attackers wore turbans.

Medical personnel moved the wounded away from the front of the hotel, a Reuters witness said.

Robert Sangare, the director of Ouagadougou’s university hospital centre, said: “We have received around 15 wounded people. There are people with bullet wounds and people who are injured because of falls.” 

He said the patients had told him they had seen around 20 bodies in the hotel.

FacebookTwitterPinterest Security forces outside the Splendid hotel. Photograph: Reuters Tv/Reuters

The French embassy said on its website that a “terrorist attack” was under way and urged people to avoid the area. 

France’s ambassador to the country said a curfew had been put in place in Ouagadougou from 11pm to 6am. Gilles Thibault said on his Twitter account that the embassy had set up a crisis unit for its citizens. More than 3,500 French nationals live in the former colony, according to foreign ministry data.

An Air France flight from Paris to Ouagadougou was diverted to neighbouring Niger.

The hotel is sometimes used by French troops with Operation Barkhane, a force based in Chad and set up to combat Islamic militants across Africa’s vast, arid Sahel region. 

It is understood to be the first time militants have targeted Ouagadougou.

FacebookTwitterPinterest A woman rescued from the Splendid hotel siege. Photograph: AP

A senior member of AQIM had in December called for Muslims in several countries, including Burkina Faso, to wage jihad. AQIM, along with two other groups, claimed responsibility for killing 20 people and taking hostages in the capital of neighbouring Mali in November.

The US embassy in Ouagadougou tweeted: “We are closely following the situation downtown.”

Burkina Faso, a largely Muslim country, has been in turmoil since its longtime president was ousted in a popular uprising in late 2014. Last September members of a presidential guard launched a coup that lasted only about a week. The transitional government returned to power until Burkina Faso’s November election ushered in new leaders.

TASWIRA MBOVU YA BARABARA YA "MARKET STREET" JIJINI MWANZA

Hii ni barabara inayotegemewa na daladala za Bwiru-Kisesa, Airtport- Kishiri pamoja na Ilemela-Kishiri hii ikiwa ni kwa upande wa daladala. Lakini pia ikitegemewa na watumiaji wengine wa vyombo vya moto vya binafsi.

Ni barabara iliyotumika pia na wakazi wengi wa Jiji la Mwanza wakiwa wanatoka katika mizunguko yako ikiwemo kutoka Soko Kuu la Jiji la Mwanza. Kama inavyoonekana katika picha inahitaji msaada maana wakati huu wa mvua imeharibika sana.

"Hii barabara inaharibika mara kwa mara kutokana na mitaro iliyopo hapa kuziba mara kwa mara kutokana na wafanyabiashara katika maeneo haya kuwa na tabia ya kutupa makopo mitaroni na hivyo kusababisha mitaro kuziba na hivyo mvua ikinyesha maji yanajaa katika barabara hii na hatimae kusababisha hali hii unayoiona". Binagi Media Group imeeleezwa na baadhi ya wafanyabiashara waliopo jirani na barabara hiyo.

Watumiaji wa barabara hiyo wameiomba halmashauri ya Jiji la Mwanza pamoja na Mbunge wa Jimbo la Nyamagana kushughulikia ukarabati wa barabara hiyo pamoja na kusimamia suala la usafi ili kuzuia uchafu kutupwa katika mitaro iliyo katika barabara hiyo ili kuzuia kuziba na hatimae kusababisha uharibifu katika barabara hiyo.

Imeandaliwa na George Binagi-GB Pazzo @BMG

KESI YA KUPINGA MATOKEO JIMBO LA BUNDA MJINI YAAHILISHWA

Mahakama Kuu Kanda ya Mwanza leo imeanza kusikiliza Kesi ya Kupinga Matokeo ya uchaguzi Mkuu uliofanyika Novemba 25 mwaka jana katika Jimbo la Bunda Mjini, Mkoani Mara ambapo Mgombea kutoka Chama cha Demokrasia na Maendeleo Chadema Esther Bulaya aliibuka mshindi.

Na:George Binagi-GB Pazzo

Jaji wa Mahakama hiyo Mhe.Mohamed Gwae ameahirisha kesi hiyo hadi jumatatu ijayo ya Januari 25 mwaka huu baada ya mawakili wa pande zote mbili kuchuana vikali kwa muda mrefu. 

Waleta maombi (Mlalamikaji) katika kesi hiyo wametajwa kuwa ni wapiga kura wa jimbo hilo la Bunda Mjini ambao walikuwa wakiiomba Mahakama kutengua matokeo ya uchaguzi huo katika jimbo hilo kutokana na uchaguzi huo kukumbwa na kasoro mbalimbali ikiwemo uchaguzi kutokuwa huru pamoja na idadi ya wapiga kura kutofautiana na idadi ya waliojiandikisha katika daftari la kudumu la wapiga kura.

Madai hayo yamepingwa na upande wa Mjibu Maombi (Walalamikiwa ambao ni Mbunge wa Jimbo la Bunda Mjini pamoja na Mwanzasheria wa Serikali) uliokuwa ukiongozwa na Wakili Tundu Lisu. Upande wa Mleta maombi ulikuwa ukiongozwa na Wakili Constantine Mutalemwa.

Kesi hiyo ilianza kusikilizwa majira ya saa tatu asubuhi na baadae kuahilishwa kwa ajili ya chakula cha mchana na kisha kuendelea kusikilizwa kuanzia majira ya saa nane mchana hadi majira ya saa kumi na moja jioni.

Wakili upande wa mjibu maombi Tundu Lisu (mwenye miwani) akizungumza baada ya Kesi hiyo kuahirishwa ambapo amesema hoja za waleta maombi hazina mashiko kwani katika hati yao ya madai hawajalalamika kuonesha kama haki yao imekiukwa hivyo ni vyema mahakama ikatupilia mbali maombi yao kwani yanaonyesha kuwa yanampigania Steven Wasira (aliekuwa mgombea ubunge kutoka CCM Steven Wasira) ambae hata hivyo hakuwemo mahakamani hapo.

Kushoto ni mbunge wa Jimbo la Bunda Mjini Esther Bulaya.

Wakili Tundu Lisu (mwenye miwani) akizungumza baada ya Kesi hiyo kuahirishwa

Wakili upande wa mleta maombi, Constantine Mutalemwa (mwenye miwani) akizungumza baada ya kesi hiyo kuahilishwa ambapo amesema kuwa waleta maombi wanasubiri maamuzi yatakayotolewa na mahakama hiyo baada ya hii leo kuahirishwa.

Mbunge wa Jimbo la Bunda Mjini Esther Bulaya (Chadema)

TIGO YAFUNGUA DUKA LA KISASA SAME

Katibu wa wilaya ya Same Mhe. Evagry Keiya (katikati)akikata utepe kufungua duka la Tigo Same, wanaoshuhudia ni Meneja wa huduma kwa wateja Tigo, Mwangaza Matotola(kushoto) na Mkurugenzi wa Tigo kanda ya Kaskazini George Lugata(kulia) mapema mwishoni wa wiki iliyopita 

Baadhi ya wafanyakazi wa Tigo wakiwa katika tafrija ya ufunguzi wa duka la Tigo Same mapema wa mwishoni wa wiki iliyopita 

Mkurungezi wa Tigo kanda ya kaskazini Bw.George Lugata akitoa hotuba wakati wa ufunguzi wa duka la Tigo Same mapema mwishoni wa wiki iliyopita 

Baadhi ya wageni waalikwa wakiwa kwenye tafrija ya kufungua duka la Tigo same wakisikiliza kwa makini hotuba ya mgeni rasmi Mh Evagry Keiya mapema mwishoni wa wiki iliyopita 

Kampuni ya simu ya Tigo imefungua duka jipya la same ambalo limepunguza adha kwa wateja wa kampuni hii ambao walikuwa wanatafuta huduma kwa wateja umbali mrefu toka kwa makazi yao 

Akizungumza wakati wa uzinduzi wa duka hilo Mkurungezi wa Tigo Kanda ya kaskazini Bw.George Lugata alisema uzinduzi wa duka hili ni moja ya mipango ya kampuni ya Tigo kusogeza huduma karibu na wateja wake.

"Kampuni ya tigo imeangalia fursa zilizopo katika

eneo la Same ambapo kwa pamoja tumeiona ni jinsi gani tunaweza kusaidiana na wakulima na wafanya biashara kuweza kufanya huduma mabalimbali za kibenki kwa kutumia simu za mkononi"Alisema Lugata

Aliongeza kuwa ufunguzi huo unaendana na kuboresha muonekano wa duka hili kuwa wa kisasa 

Lugata alisema kuwa duka hilo linalopatikana katika mtaa wa shule linategemea kuhudumia wateja wapatao mia tatu kwa siku wakipata huduma mbalimbali ikiwemo huduma za kuunganishwa kwenye intaneti, usajili wa laini za simu na kurudisha laini zilizopotea pia kununua simu za kisasa.

Kwa upande wa katibu wa mkuu wa wilaya ya same Mhe. Evagry Keiya alipongeza hatua za Tigo za ufunguzi wa duka hili kwa kuwa utarahisisha upatikanaji wa huduma kwa wateja wa wilaya ya same .