DK. MAHENGE AHIMIZA USAFI, UTUNZAJI MAZINGIRA NCHINI

Waziri wa Nchi, Ofisi ya Makamu wa Rais (Mzingira) ambaye pia ni Mbunge wa Jimbo la Makete, Dkt. Eng. Binilith Mahenge akisoma hotuba.

Waziri wa Nchi, Ofisi ya Makamu wa Rais (Mzingira) ambaye pia ni Mbunge wa Jimbo la Makete, Dkt. Eng. Binilith Mahenge (mwenye tai ya bluu) akifurahia igizo wakati wa uzinduzi wa mradi wa mazingira wilayani Makete. Kulia kwake ni Diwani wa Iniho Jison John Mbalizi, Mkuu wa Chuo VETA-Makete Ramadhan Sebbo na Mwenyekiti wa Bodi wa CCDO Majaliwa Mayova.

Waziri wa Nchi, Ofisi ya Makamu wa Rais (Mzingira) ambaye pia ni Mbunge wa Jimbo la Makete, Dkt. Eng. Binilith Mahenge (mwenye tai ya bluu) akikabidhi vifaa vya michezo kwa Katibu Mkuu wa Chama cha Mpira wa Miguu Wilaya ya Makete (MDFA), Bosco Godigodi Mazangalila (kulia) kwa timu za mazingira (Environmental Clubs) wanaoshuhudia ni Meneja Mradi Agnes Mahenge na Mwenyekiti wa Bodi CCDO Majaliwa Mayova

Waziri wa Nchi, Ofisi ya Makamu wa Rais (Mzingira)  Dkt. Eng. Binilith Mahenge akionesha kitabu cha mazingira cha mwalimu cha kufundishia katika shule za msingi baada yakukizindua.

WAZIRI wa Nchi, Ofisi ya Makamu wa Rais (Mazingira), Dkt. Eng. Binilith Mahenge (MB) ametoa wito kwa wananchi kuwa suala la usafi na utunzaji wa mazingira linaanza na mtu mmoja na hatimaye jamii nzima.

Dkt.  Mahenge alisema haya wakati wakuzindua miradi miwili ya hifadhi ya mazingira inayofadhiliwa na UNDP na Tanzania Forest Fund (TFF) kupitia Asasi ya Children Care Development Organization (CCDO) wilayani Makete, mkoani Njombe jana.

Mradi wa kwanza unaofadhiliwa na UNDP unalenga kuiwezesha jamii katika kukabiliana na athari za mabadiliko ya tabianchi na mwengine unaofadhiliwa na TFF unalenga katika upandaji miti ili kuboresha hifadhi ya misitu na chanzo cha maji eneo la Unyangogo katika Kata ya Iniho.

Miradi hiyo inatekelezwa na asasi ya CCDO, inayojishughulisha na kazi ya utoaji elimu ya kupambana na mabadiliko ya tabianchi, utunzaji wa mazingira na vyanzo vya maji katika wilaya za Iringa na Makete.

Alisema kuwa ili kulinda afya zao wananchi hawanabudi kuyatunza mazingira kwa ajili ya vizazi vijavyo.

“Sote tumeshuhudia athari za mabadiliko ya tabianchi kama vile ukame uliokidhiri, mvua zisizotabirika, mafuriko, kuongezeka kwa joto, kuibuka kwa magonjwa kama malaria katika maeneo ambayo huko nyuma hayakuwa na historia ya magonjwa hayo; mfano katika baadhi ya maeneo ya Makete,” alisema.

Alisema kuwa malaria kwa sasa imeripotiwa katika mikoa mingi ikiwemo mikoa ya Iringa, Njombe, Mbeya na Kilimanjaro.

“Haya yote ni ushahidi wa uwepo wa mabadiliko ya tabianchi na yanatukumbusha kwamba sote tunao wajibu wa kuhifadhi na kulinda mazingira yetu ili kuilinda nchi yetu na dunia kwa ujumla kutokana na majanga yatokanayo na uharibifu wa mazingira,” aliongeza waziri huyo.

Alisema kuwa serikali inaendelea na juhudi za kulinda na kuhifadhi rasilimali za mazingira nchini kupitia utekelezaji na usimamizi wa sera, sheria, kanuni na miongozo.

“ Nitumie fursa hii kuzielekeza mamlaka za serikali na mitaa na taasisi za serikali kutekeleza kikamilifu matakwa ya sheria ya usimamizi wa mazingira ya mwaka 2004 kwa kuhuisha masuala ya hifadhi ya mazingira katika mipango yao ya maendeleo na bajeti zao za kila mwaka,” alisema.

Pia alitoa wito kwa asasi zisizo za serikali, taasisi za dini, na wadau wengine kushiriki kikamilifu katika juhudi za kuhifadhi mazingira na  kila mdau kwa nafasi yake.

Juma lililopita tarehe 22 Aprili, 2015, serikali ilizindua ripoti ya pili ya hali ya mazingira nchini. Ripoti hii inabainisha ongozeko la watu likiambana na kuongezeka kwa kasi kubwa ya uharibifu wa mazingira hususan misitu na vyanzo maji.

Ripoti pia imeanisha athari za mabadiliko ya tabianchi katika sekta za kiuchumu kama vile, kilimo, mifugo, uvuvi, miundombinu, wanayapori, uchukuzi, viwanda na afya.

Akisoma risala kwa mgeni rasmi, Meneja wa Mradi, Agnes Mahenge alisema kuwa asasi ya children care development organization imekuwa ikijishugulisha na kazi ya kutoa elimu ya kupambana na athari za tabianchi, utunzaji wa mazingira na vyanzo maji kwa watoto na wanawake kwa lengo la kufanya watoto kuyapenda mazingira wakiwa bado wadogo na kuwa askari wema kwa nchi yao.

Pia alisema kuwa watoto kuwafanya wawe walimu wazuri kwa vizazi vijavyo hususan katika kutekelezaji wa sheria namba 20 ya mazingira ya mwaka 2004 katika kuwajengea uwezo wa uelewa, kupanua ajira na namna ya kupambana na umaskini wa kifikra na kipato.

Alisema kuwa shirika hilo limefanyikiwa kuunda timu 16  za mpira wa miguu kwa  wanaume, wanawake na watoto.

Timu hizi za mazingira ni za kudumu na lengo lake ni kuona timu hizi zinakuwa zikiendeshwa kwa mfumo wa ligi na kuwa na timu moja mama ambayo itapiganiwa kupanda daraja kwa kushiriki kwenye ligi kuu ya Vodacom huku ikifanya kazi ya kuhamasisha jamii kuhusiana na elimu ya mabadiliko tabianchi.

Wakati huohuo, Waziri wa Nchi, Ofisi ya Makamu wa Rais (Mzingira) ambaye pia ni Mbunge wa Jimbo la Makete, Dkt. Eng. Binilith Mahenge alitoa vifaa vya michezo zikewemo jezi seti nne na mipra 20 kwa timu za mazingira (Environmental Clubs) kutoka halmashauri za Iringa na Makete.

Alisema kuwa lengo la kutoa vifaa hivyo ni kuona vijana wengi wa maeneo ya vijijini wanashirika kikamilifu katika kukuza vipaji vyao  pamoja na kutoa elimu ya uhifadhi wa mazingira.

ECONOMIC AND SOCIAL RESEARCH FOUNDATION (ESRF) GETS A NEW EXECUTIVE DIRECTOR

v

Dr. Tausi Mbaga Kida.

Press Release Dr Kida_1st_May_2015_FINAL.docx

UNESCO YAFURAHIA MABADILIKO REDIO JAMII

Ofisa Miradi ya Mawasiliano, Habari na Tehama wa Shirika la Kimataifa la Sayansi, Elimu na Utamaduni (UNESCO) nchini, Al Amin Yusuph, akiendesha mafunzo ya matumizi ya kutumia TEHAMA kwa kupeleka na kupokea habari yaliyofanyika katika kituo cha Sengerema Telecentre mkoani Mwanza chini ya ufadhili wa Shirika la Maendeleo la Sweden (SIDA) kwa ushirikiano na Shirika la Umoja wa Mataifa la Elimu Sayansi na Utamaduni (UNESCO).

Na Mwandishi Wetu, Sengerema

AWAMU ya pili ya mradi wa kuwezesha redio za jamii kuhamasisha wananchi kushiriki katika kilimo, afya na elimu unatarajiwa kuanza Julai mwaka huu baada ya awamu ya kwanza ya miaka mitatu kuonesha mafanikio makubwa.

Kauli hiyo imetolewa na Ofisa Miradi ya Mawasiliano, Habari na Tehama wa Shirika la Kimataifa la Sayansi, Elimu na Utamaduni (UNESCO) nchini, Al Amin Yusuph, wakati akihojiwa kuhusiana na mafunzo ya Tehama kwa Mawakala wa habari wa Redio za Jamii nchini yanayofanyika mjini hapa.

Alisema japo mradi huo umemalizika, kumekuwepo na mabadiliko mengi katika uendeshaji wa redio hizo za jamii ikiwa ni pamoja na matumizi ya Tehama katika kutengeneza vipindi na kuvirusha.

Mradi huo wa uwezeshaji wa miaka mitatu ulimalizwa kwa mafunzo ya siku nne katika kituo cha redio jamii cha Sengerema Telecentre ambapo washiriki kutoka redio 9 walijifunza matumizi ya teknolojia katika kutengeneza vipindi, kukusanya taarifa kwa kutumia simu za kawaida na namna ya kuendesha redio hizo kuwa na mvuto na kutengeneza mpango kazi wa biashara.

Mradi huo unaofadhiliwa kwa pamoja na Unesco na shirika la maendeleo la Sweden ( SIDA) limelenga kumwezesha mfanyakazi wa redio kutumia simu za mkononi kukusanya na kuboresha habari zake na kuzituma katika redio kwa matumizi ya ushawishi.

“Tumeona mafanikio makubwa kwani kwa sasa wawakilishi wa redio hizi wanaweza kutengeneza vipindi kwa kuwashirikisha wanavijiji kutoa sauti zao ili zisikike,” alisema kutokana na hilo redio hizo sasa zimekuwa maarufu na za kuaminika.

Alisema nia ya Unesco ni kuhakikisha kwamba redio hizo zinashiriki kikamilifu katika kuhakikisha wananchi wanatoa na kupata taarifa zinazoweza kutumiwa na redio hizo kuhamasisha shughuli mbalimbali zikiwemo za kiafya, kielimu na kilimo.

Ofisa Miradi ya Mawasiliano, Habari na Tehama wa Shirika la Kimataifa la Sayansi, Elimu na Utamaduni (UNESCO) nchini, Al Amin Yusuph akitoa maelekezo kwa vikundi kazi wakati mafunzo hayo.

Miongoni mwa washiriki wa semina ya mwisho Pili Mlindwa wa redio jamii ya Panga FM akizungumzia mafunzo waliyopewa katika matumizi ya Tehama, alisema yamembadili sana katika utendaji wake na kumuongezea maarifa ya kazi.

Alisema amefurahishwa sana na mafunzo ya Tehama ambayo sasa anaweza akafanya kazi nje ya studio na bado mhariri wake akawa na taarifa yake na kuitumia.

Alisema mafunzo mengi aliyopata katika mradi huo yakiwemo pia ya matumizi ya meseji Matrix, simu za mkononi kukusanya na kutoa taarifa kumemfanya awe wa kujiamini.

Naye mwandishi wa habari, Bakari Khalid wa redio jamii Kaham FM ya Shinyanga akizungumzia Mafunzo ya Tehama alisema kwamba Unesco imefanya jambo la maana kuwapa mafunzo hayo ikizingatiwa kwamba redio nyingi zina watu wasiopitia chuo.

Alisema kwa sasa wanaweza kutengeneza vipindi bora vya kuhamasisha afya, elimu na kilimo na namna ya kuandika habari.

Aidha alisema sasa wana uwezo wa kutumia kompyuta mpanguso (tablet) katika kuandaa vipindi na pia kuandaa taarifa mbalimbali.

Wakala wa habari wa kituo cha Orkonerei Radio Service (ORS) cha wilayani Simanjiro, Nyangusi Ole Sangida akichangia mada kuhusu changamoto zinazowakabili Mawakala wa Redio Jamii katika ukusanyaji wa habari wakati wa mafunzo ya matumizi ya kutumia TEHAMA kwa kupeleka na kupokea habari yaliyofanyika katika kituo cha Sengerema Telecentre mkoani Mwanza chini ya ufadhili wa Shirika la Maendeleo la Sweden (SIDA) kwa ushirikiano na Shirika la Umoja wa Mataifa la Elimu Sayansi na Utamaduni (UNESCO).

Wakala wa habari wa kituo cha redio jamii Pangani FM, Pili Mlindwa akichangia mada wakati wa kuhitimisha mafunzo ya siku nne ikiwa ni sehemu ya mradi wa SIDA wa kuwajengea uwezo katika kuwawezesha kutengeneza vipindi bora.

Wakala wa habari wa kituo cha Redio Jamii Kahama FM ya Shinyanga, Paulina Juma akiwasilisha kazi ya kikundi ya kuandaa habari na kurekodi kipindi waliyofanya kwa vitendo katika Kompyuta mpanguso (Tablet) walizokuwa wakitumia kwenye mafunzo hayo.

Mshauri na Mkufunzi kutoka Shirika la Umoja wa Mataifa la Elimu, Sayansi na Utamaduni (UNESCO) Bi. Rose Haji Mwalimu akifafanua jambo kwa washiriki wa mafunzo hayo.

Baadhi ya mawakala wa habari wa vituo vya redio jamii wakifanya mafunzo kwa vitendo kwa kutumia Kompyuta mpanguso (Tablet) wakati wa mafunzo ya matumizi ya kutumia TEHAMA kwa kupeleka na kupokea habari yaliyofanyika katika kituo cha Sengerema Telecentre mkoani Mwanza chini ya ufadhili wa Shirika la Maendeleo la Sweden (SIDA) kwa ushirikiano na Shirika la Umoja wa Mataifa la Elimu Sayansi na Utamaduni (UNESCO).