SERIKALI YATOA AGIZO KWA WAKUU WA VYUO VIKUU KUHUSU MIKOPO YA WANAFUNZI

Serikali imewaagiza wakuu wote wa vyuo vya elimu ya juu kuacha urasimu katika utoaji wa fedha kwa wanufaika wa mikopo ambao wana makubaliano na Serikali.

Waziri wa Elimu, Sayansi na Teknolojia Profesa Joyce Ndalichako amesema leo bungeni ikiwa ni utekelezaji wa agizo la Spika Job Ndugai lililotaka serikali kutoa kauli kuhusu wanafunzi wa mwaka wa kwanza kutakiwa kutoa fedha ili wasajiliwe kabla ya kupata mikopo.

Agizo la Spika lilitokana na Mwongozo uliombwa na Mbunge wa Viti Maalum (CCM) Martha Mlata ambaye alieleza bunge kuwa wanafunzi wamekuwa wakihangaika vyuoni baada ya kutakiwa walipe fedha za usajili kabla ya kupewa mkopo.

"Serikali imeshawaagiza wakuu wa vyuo vya elimu ya juu kuacha urasimu katika utoaji wa fedha kwa wanufaika kwa mikopo ambao wana makubaliano na Serikali," amesema.

Amesema inasikitisha sana kuona baadhi ya vyuo vinadiriki hata kuwakataa wanafunzi waliowadahili wao wenyewe au vinawalazimisha wachukue programu tofauti na walizokuwa wamechaguliwa awali na vyuo husika.

" Jambo hili halikubaliki hata kidogo na linaleta shaka kuhusu uadilifu wa vyuo husika. Naiagiza TCU (Tume ya Vyuo Vikuu) na Kurugenzi ya Elimu ya Juu ya Wizara, kufuatilia kwa karibu mambo yote yanayopendelea vyuoni wakati wanafunzi wanaripoti na kubainisha wote wanaokiuka taratibu na kuwanyima wanafunzi haki yao ya kusoma programu wanazoitaka," amesema.

Amesema Serikali haitasita kuchukua hatua kali kwa vyuo vyote vitakavyoleta usumbufu usio wa lazima kwa wanafunzi na kuwafanya wapoteze muda ambao wanapaswa kuutumia kwa masomo.

MIMBA ZA UTOTONI KUPUNGUA,SERIKALI YASHIRIKIANA NA MASHIRIKA BINAFSI KUTOA ELIMU,

Mkurugenzi Mtendaji wa Jukwaa la Utu wa Mtoto wa Kike (CDF) Koshuma Mtengeti, akizungumza na waandishi wa habari jijini Dar es Salaam

SERIKALI imejipanga kupunguza mimba za utotoni kwa asilimia 27 kwa kipindi cha miaka mitano kinachoanzia 2017 hadi 2022 lengo likiwa ni kuhakikisha mototo wa kike anapata haki yake ya elimu.

Hayo yamesema leo Jijini Dar es Salaam na Mkurugenzi wa Maendeleo ya watoto kutoka Wizara ya Afya ,Maendeleo ya Jamii Jinsia, Wazee na Watoto, Margaret Mussai wakati wa Kongamano la Mtoto wa Kike , liloandaliwa na Jukwaa la Utu wa Mtoto wa Kike (CDF) kwa udhamini wa Shirika la Maendeleo Uswidi ( Swedish International Development Cooperative Agency-SIDA).

Mussai amesema kwa sasa serikali imeandaa mpango kazi wa Taifa wa kotokomeza ukatili wa kijinsi kwa upande Mimba za Utoto.

“Katika Mpango huu tumeanza kupunguza mimba kwa asilimia 27 kwa watoto na tunaamini mpango huu utasaidia kundokana na tatizo hili”amesema

Amesema katika kutekeleza mpango huu, Serikali itashirikiana Taasisi zisizo za Kiserikali katika kuhakikisha wanapunguza Mimba za Watoto.

Hata hivyo , Mussai amewataka Watoto wa Kike kujitambua wenyewe kwa kujiepesha na mambo yasio faa ambayo yatapelekea kuongezeka mimba za watoto ambapo amedai zimechangiwa na watoto hao kujiingiza kwenye makundi yasioa faa.

Kw upande wake Mkurugenzi wa Mtendaji wa CDF Koshuma Mtengeti, amesema lengo la kongamano hilo ni kuwapatia fursa watoto wa kike kukurana na Mkurugenzi Mwandamizi wa Shirika la Uswid ambapo watapata fursa ya kuelezea mafunzo mbali mbali waliyopata kutokana na utekelezaji wa miradi mbali mbali ya CDF.

Amesema miradi hiyo ni pamoja na miradi ya kutokomeza, mimba za utotoni, ndoa za utotoni, ukatili wa kijinsia na kuonesha kazi za ujasiriamali walizozifanya ikiwa kama mafanikio ya miradi ya CDF.

“Vile vile katika kongamano hili, wanaume na wavulana wakiwa kama mabalozi wa CDF watapata fursa ya kuelezea ni kwa namna gani wanafanya kazi za kuelimisha jamii pamoja na vijana rika juu ya madhara ya ukatili wa kijinsia, ukeketaji, mimba za utotoni pamoja na ndoa za utotoni ili kufikia dhana ya Taifa ya kuleta usawa wa kiiinsia,” amesema Mtengeti.

Naye Mkurugenzi Mwandamizi kutoka SIDA Carin Jamtin, amesema shirika lao limekuwa likitetea haki za woto kwa kuhakikisha watoto wakike na kiume wanakuwa na haki sawa katika jamii hususani haki ya kupata elimu.

Mkurugenzi Mwandamizi wa Shirika la Maendeleo Uswidi ( Swedish International Development Cooperative Agency-SIDA) Carin Jamtin, akizungumza na waandishi wa habari jijini Dar es salaam.

Mkurugenzi wa Maendeleo ya watoto kutoka Wizara ya Afya ,Maendeleo ya Jamii jinsia na Watoto, Margaret Mussai, akizungumza na waandishi wa habari jijini Dar es Salaam

SOMA MAGAZETI YA LEO IJUMAA NA TUMBUSI BLOG

MAAZIMISHO YA AROBAINI YA IMAM HUSSEIN : SHEIKH JALALA ATAKA WAISLAMU KUENZI MAFUNDISHO YAKE

Ikiwa bado siku moja kukamilika kwa siku ya arobaini tokea kujitoa muhanga kwake Imam Hussein ambaye pia ni Mjukuu wa Bwana Mtume Muhammad (S.AW), Watanzania wametakiwa kuenzi mafundisho yake kwani enzi za uhai wake Imam alikuwa mstari wa mbele kuhakikisha kuwa utukufu wa mwadamu, heshima yake unaenziwa kwa kiasi kikubwa na pia hakuna ubaguzi wa aina yoyote unao endekezwa.

Akizungumza na Waandishi wa habari ofisini kwake, Kiongozi Mkuu wa Waislam Dhehebu la Shia Ithnasheriya Tanzania Sheikh Hemed Jalala amesema Waislamu takribani Milioni 30 watakwenda katika kaburi la Mjukuu huyo wa mtume kuazimisha siku hiyo huku wakikumbuka mafunzo yake matakatifu ya kumtukuza Mwanadamu na kupinga kabisa aina yeyote ya ukandamizaji na unyanyapaa kushamiri miongoni mwa Wanadamu.

“Imam Hussein alikuwa ni mtu aliyependa kuenzi utakatifu, utukufu na kuheshimu utu wa Mwanadamu…darsa zake zote ukizisoma utaona alikuwa akisisitiza kuhusu watu kushirikiana, hakupenda kabisa watu kunyanyapaliana, kuwepo kwa matabaka… nadhani hata sasa dunia inahitaji kuwa na mafundisho kama hayo” Alisema Sheikh Jalala.

Inaelezwa kuwa Imam Hussein (a.s), ambaye ni Mjukuu wa Bwana Mtume Muhammad (s.a.w.w), alijitoa Muhanga siku ya Ashura, maisha yake na familia yake na Masahaba zake kwa ajili ya kupigania Haki na Ubinadamu uliokuwa umekanyagwa na Mtawala anayedaiwa kuwa dhalimu Bw. Yazid Ibn Muawiyyah.

KWA UFUPI 

Imam HUSSEIN (a.s). Kwa ufupi, Imam Hussein ni kiongozi aliyeonesha dira ya namna ya kupambana na DHULMA ulimwenguni kama Mahatma Gandhi (Baba wa Taifa la India) na Rabindranath Tagore (Indian Nobel Prize in Literature 1913), Thomas Carlyle (Scottish historian and essayist) , Charles Dickens (English novelist) Edward G. Brown (Professor at the University of Cambridge walivyomulezea Imam Hussein katika maandishi mbalimbali wakihusianisha mafanikio ya harakati nyingi za kudai haki na Imam Hussein (A.S).

Kwa huzuni kabisa, tunatoa mkono wa pole kwa Mtume (s.a.w.w) na familia yake (Ahlulbayt), pia kwa waislam wote ulimwenguni na wapenda haki pasina kujali imani zao.

Imam Hussein ni kielelezo cha utu, uadilifu, na amani. Pia ni ishara ya ukombozi wa viumbe na ni kielelezo cha kupinga dhulma ulimwenguni.

WAZAZI WAASWA KUWASOMESHA WATOTO WA KIKE

Baadhi ya wanafunzi wa shule ya sekondari ya wasichana ya Spring Valley iliyoko katika manispaa ya Iringa wakiwa katika mafunzo ya vitendo shuleni hapo.

NA DENIS MLOWE, IRINGA

WAZAZI na Walezi wameaswa kuwasomesha watoto wa kike na kuachana na fikra potofu kuwa kumsomesha mtoto wa kike ni kupoteza rasilimali fedha kwani maisha ya sasa bila elimu ni changamoto kubwa kwa mtoto wa kike.

Kauli hiyo imetolewa hivi karibuni na Kenneth Komba kutoka Idara ya Elimu mkoa wa Iringa kwa niaba ya Mkuu wa mkoa wa Iringa Amina Masenza wakati alipokuwa mgeni rasmi wakati wa mahafali ya kumi kidato cha nne katika shule ya Sekondari ya Wasichana ya Spring Valley iliyopo Mkoani Iringa.

Alisema kuwa mtoto wa kike akipatiwa elimu kuna uwezekano mkubwa kwa taifa kuwa na maendeleo kutokana na kuwajibika kwao katika maisha ya kila siku hivyo wazazi na walezi ni muhimu kuwasomesha watoto wa kike kwa lengo la kuendeleza ndoto walizonazo.

Alisema kuwa jukumu la kusomesha elimu ya msingi hadi sekondari ni la serikali lakini wazazi na walezi wanaosomesha shuleni hapo ni kuisaidia serikali hivyo ipo tayari kupokea changomoto zote katika shule hiyo na kushirikiana kuzitatua.

Komba aliipongeza shule ya sekondari Spring Valley kwa kuwa moja ya shule zinazofanya vizuri mkoani hapa kielimu na tabia kwani ni moja ya shule ambazo idara ya elimu haipati malalamiko ya mara kwa mara kutoka shuleni hapo.

Aidha Komba aliwataka wahitimu hao kusoma mazingira ya maisha popote watakapokuwa na kuamua namna ya kujiajiri ili mradi isiwe shughuli zinazopingana na sheria na maadili ya kijamii, kama vile kuuza madawa ya kulevya, ukahaba, unyang'anyi na mambo mengine yanayofanana na hayo ambayo watajiingiza matatani na kuonekana wabaya.

Awali mkuu wa shule ya Wasichana Spring Valley, Adia Mbwanji alisema kuwa uongozi wa shule hiyo umeweka mikakati mbalimbali itakayotekelezwa mwaka 2018 ikiwemo ujenzi wa ukuta upande wa Kusini mwa shule, upanuzi wa maktaba, ununuzi wa gari la shule na kukarabati mifumo ya maji taka na maji safi.

Alisema kuwa shule hiyo inayomilikiwa na kanisa la Baptist Convention of Tanzania imejipanga kujenga chumba cha kompyuta na kununua komputa zenyewe ili kutoa elimu hiyo kwa wanafunzi kuendana na ulimwengu wa sayansi na teknolojia.

Kwa upande wao wahitimu kwa kupitia msoma risala, Happy Njavike walisema kuwa shule hiyo inatakiwa kuboresha ujenzi wa jengo la maabara vifaa vyake vinunuliwe ili kutoa fursa kwa wanafunzi wengi kujifunza kwa vitendo hasa masomo ya sayansi kwa lengo la kukuza ufaulu na kuongeza ujuzi katika masomo ya sayansi.

ROAD SAFETY EDUCATION A KEY FACTOR TO REDUCE ROAD TRAFFIC ACCIDENTS

SOME road accidents in the developing countries like Tanzania are caused by several factors including superstition belief for sacrifices for economic interest or benefit and also carelessness.

Some of accidents are caused voluntarily by individuals for example when the driver is drank he/she knock a person and pass away, and other road accidents caused involuntarily not a human error, for instance, driver has beaten a horn many times around a corner and he knocks person and die.

So in achieving the reduction of accidents, Chegamila Investment being the authorized Toyota dealer based in Iringa town, Iringa Region has organized a ‘Toyota customer’s week’ for them to take their cars for free initial checkup, the Guardian can disclose.

Chegamila Investment Manager, Seif Rashid told the Guardian reporter in an interview yesterday that the occasion will take place at Chegamila compounds on 13-18/11/2017.

He has asked Iringa residents and its surrounding areas to kindly bring their vehicles for free preliminary checkup and professional diagnosis which will done by qualified the master diagnosis technicians.

Rashid said they want support police and the government to avert some unnecessary road traffic accidents because some accidents were caused by the vehicles with technical fault which has not been inspected time after time. 

In addition he said that Toyota client's week is a unique opportunity for Toyota cars only. 

"We intend to support the efforts of the Police Force and the Government in general to reduce road accidents caused by the default cars", said Seif Rashidi. 

However, Rashid said that there were ways which would help in solving the problem of road accidents in Iringa and Tanzania in general.

He said that road safety education was a key factor that can help reduce road traffic accident in region and elsewhere in the country because it was a kind of education which guide on how to use the road.

Rashid said road safety education has lacked for a long period of time but nowadays the education is provided or given to Tanzanians as one way or another of reducing/ removing completely the problem of road accidents. By Friday Simbaya, Iringa