KAHEZA AVAA GWANDA ZA SIMBA RASMI TIZAMA ALIVYOMETISHA

Na Joseph Oima, Nakuru

Kiungo mshambuliaji mpya wa Simba, Marcel Kaheza kwa mara ya kwanza ameanza mazoezi na timu yake hiyo.

Mabingwa hao watetezi wa Ligi Kuu Bara, Simba wameanza mazoezi mjini hapa.

Kaheza amejiunga na Simba akitokea Majimaji FC ya Songea ambayo alijiunga nayo akitokea Simba akiwa mmoja wa wachezaji makinda.

Simba wako hapa kwa ajili ya michuano ya SportPesa Super Cup na wataanza kazi Jumatatu kwa kuwavaa Sharks.

Simba wamewasili hapa jana wakiwa ndiyo timu ya kwanza ya Tanzania kutua Kenya kwa ajili ya michuano hiyo.

Mwaka jana ilifanyika Tanzania na Gor Mahia wakaibuka mabingwa huku timu za Kenya zikikutana katika fainali.

TIZAMA YANGA JINSI WANAVYOJIFUA HUKO NCHINI KENYA KUJIWEKA MGUU SAWA KWENYE MICHUANO YA SPORTPESA

Na Joseph Oima, Nakuru

Kikosi cha Yanga kimeanza mazoezi yake ya kwanza kabla ya mechi yao ya kwanza ya michuano ya SportPesa Super Cup, keshokutwa.

Yanga imefanya mazoezi yake ya kwanza mjini Nakuru nchini Kenya, tayari kwa kazi ya keshokutwa dhidi ya Homeboyz.

Yanga iliwasili mjini hapa jana ikitokea jijini Dar es Salaam tayari kushiriki michuano hiyo itakayoshirikisha timu nane, nne zikiwa kutoka Tanzania na nne za hapa Kenya.