TANESCO YAKABIDHI NYUMBA MBILI ZA WALIMU SHULE YA SEKONDARI MTERA DAM

Mkuu wa wilaya ya Mpwapwa mkoani Dodoma, Mhe.Jabir Shekimweri, (kushoto), akifungua pazia ikiwa ni ishara ya kuzindua nyumba mpya ya Mwalimu Mkuu wa shule ya sekondari Mtera DAM, iliyoko jirani na Kituo cha Kufua Umeme wa maji, Mtera, katikati ya mikoa ya Dodoma na Iringa, Septemba 6, 2017. Nyumba hiyo na nyingine iliyokarabatiwa zimejengwa kwa msada wa TANESCO kwa thamani ya shilingi milioni 35. Wengine pichani, ni Naibu Mkurugenzi Mtendaji wa TANESCO, anayeshughulikia usambazaji umeme na huduma kwa wateja mama Joyce Ngahyoma,(wakwanza kulia), aliyemwakilisha Kaimu Mkurugenzi Mtendaji, , (kulia) na Naibu Mkurugenzi Mtendaji anayeshughulikia Ufuaji umeme, Mhandisi Abdallah Ikwasa. (kushoto), na Mkuu wa shule hiyo, Bw. Simon Dissa.

SHIRIKA la Umeme Tanzania, (TANESCO), limekabidhi majengo mawili ya nyumba za walimu, shule ya sekondari Mtera DAM, iliyoko jirani na Bwawa la kufua umeme wa maji Mtera, (Mtera Hydro Power Plant), lililoko katikati ya mikoa ya Dodoma na Iringa.

Nyumba hizo zilizogharimu shilingi milioni 35, moja ikiwa mpya na nyingine imekarabatiwa, zimekabidhiwa kwa uongozi wa Wilaya ya Mpwapwa Septemba 6, 2017 na Naibu Mkurugenzi Mtendaji wa TANESCO anayeshughulikia usambazaji umeme na huduma kwa wateja, Bi. Joyce Ngahyoma, ambaye alimwakilisha Kaimu Mkurugenzi Mtendaji wa TANESCO, Mhandisi, Dkt. Tito Mwinuka.

Akizungumza kabla ya kukabidhi nyumba hizo, Bi. Joyce Ngahyoma alisema, wakazi wa kata ya Mtera ni wadau na washirika wakubwa wa TANESCO katika kulinda miundombinu ya umeme ya kituo cha kufua umeme cha Mtera ambayo ina gharama kubwa kwa hivyo walipowasilisha maombi ya kujengewa nyumba ya mwalimu Mkuu, TANESCO ilikubali ombo hilo bila kusita.

Alisema, uongozi wa TANESCO baada ya kupokea maombi hayo ulifanya tathmini na kutoa kiasi cha fedha shilingi Milioni 35 ambazo zilitumika kujenga nyumba jipya na kukarabati nyumba nyingine.

Nyumba mpya iliyojengwa na TANESCO kwa ajili ya makazi ya Mwalimu Mkuu, ina vyumba vinne, choo, bafu na jiko, alisema.

“Napenda nichukue fursa hii kuwashukuru wananchi kwa ushirikiano mkubwa mnaotupatia na niwaahidi tu kwamba Shirika litaendelea kushirikiana na serikali na jamii kwa ujumla katika kuhakikisha sekta ya elimu, afya na huduma nyingine zinaimarika kwa kutoa michango ya hali na mali.” Alisema Bi. Ngahyoma.

Alisema, sambamba na msada huo, TANESCO imekuwa ikisaidia jamii ya wana Mtera, katika kuwapatia huduma ya afya kwenye zahanati ya wafanyakazi, huduma ya elimu ya awali(chekechea), kwenye shule ya chekechea iliyojengwa kuhudumia watotot wa wafanyakazi, na pia usafiri, ambapo mabasi yanayochukua wafanyakazi kwenda na kutoka kazini, huwasaidia pia wananchi.

Aidha Kaimu Mkurugenzi Mtendaji wa TANESCO, anayeshughulikia ufuaji umeme, Mhandisi Abdallah Ikwasa, alisema, Kituo cha kufua umeme wa maji Mtera, kilijengwa kuanzia mwaka 1984 na kukamilika mwaka 1988 na kuwa na uwezo wa kufua umeme Megawati 80 na tangu kipindi hicho hadi hivi sasa, TANESCO imekuwa ikishirikiana na wananchi katika kulinda miundombinu ya kituo hicho.

Mnamo mwaka 2005 na 2006, Shirika lilichangia kiasi cha shilingi milioni 34 kujenga madarasa mawili mapya na ujenzi wa ofisi ya walimu, alisema Mhandisi Ikwasa.

Akizungumza katika hafla hiyo kabla ya kupokea majengo hayo, Mkuu wa Wilaya ya Mpwapwa, Mhe. Jabir Shekimweri, amewataka wananchi wa Kata ya Mtera, kuendelea kushirikiana na TANESCO, katika kulinda miundombinu ya Shirika hilo kwenye bwawa la kufua umeme wa maji la Mtera, (Mtera Hydro Power Plant).

“Ndugu zangu msada huu umekuja kutokana na faida inayopatikana kutokana na miundombinu hiyo, kwa hivyo niwaombe muendelee kushirikiana na TANESCO na viongozi wa serikali ya kijiji katika kuhakikisha usalama wa miundombinu hiyo unaendelea kuwepo kwani wafanyakazi wa TANESCO pekee hawawezi kulinda miungdominu hiyo peke yao kwa sababu eneo ni pana sana.” Alifafanua.

Mhe. Shekimweri alisema, msada wa majengo hayo, utasaidia kutatua changamoto ya nyumba kwa walimu ambao kutokana na uhaba mkubwa wa nyumba walimu wanaishi maeneo ya mbali na shule na hivyo inapelekea utendaji kazi wao kuwa wa chini.

“Nimeambiwa kuwa ufaulu kwenye shule hii ni mzuri na walimu wakiishi maeneo ya karibu na shule, basi ufaulu huo bila shaka utaongezeka sana.” Alisema.

Lakini pia niwaombe wananchi, umeme unaopatikana hapa unategemea sana uwepo wa maji, kwa hivyo nitoe rai, ni lazima tutumie maji haya kwa busara kubwa naelewa zipo shughuli za uvuvi lakini uvuvi mwingine ni ule haramu wa uharibifu, niwajulishe tu hivi karibuni tutakaa kikao ili kuweka matumizi bora ya maji haya ili kuzuia athari zinazoweza kupelekea uharibifu wa vyanzo vya maji yanayoletwa kwenye bwawa hili, alisisitiza.

Mkuu huyo wa wilaya aliishukuru TANESCO kwa kuisaidia serikali katika kukabiliana na changamoto mbalimbali zinazoikabili jamii kwenye eneo hilo na .

“ Nimeambiwa kuwa sio tu mmesaidia ujenzi wa nyumba moja mpya na kukarabati nyingine lakini pia mmekuwa mkisaidia wananchi katika kuwapatia huduma za afya kwenye zahanati ya wafanyakazi, hali kadhalika mmekuwa mkiwasaidia wananchi katika usafiri ambapo wamekuwa wakitumia usafiri wa wafanyakazi wenu, hili ni jambo jema katika kujenga mahusiano mema baina yenu na wananchi.” Aliongeza Bw. Shekimweri.

WATAHINIWA 24,906 WA DARASA LA 7 MKOANI WAFANYA MITIHANI

Wakati Baraza la Mitihani la Tanzania (Necta), likitangaza rasmi kuanza kwa Mtihani wa Kumaliza Elimu ya Msingi (PSLE), kesho Septemba 6 mwaka huu, kote nchini, wito umetolewa kwa wazazi kutobweteka badala yake waanze maandalizi ya watoto hapo baadaye. 

Wito huyo umetolea na Afisa Elimu wa Mkoa wa Iringa (REO) Bw. Majuto Salehe Njanga wakati akiongea na gazeti la mwananchi katika mahojiano maalum leo.

Bw. Njanga alitoa wito kwa wazazi kuwa huu si wakati wa kubweteka na kujisahau na matokeo yake mnashtuka siku za mwisho mtoto ameshachaguliwa kwenda sekondari huku hamjafanya maandalizi.

“Kuanzia sasa wazazi na walezi, anzeni kujiwekea akiba kwa tahadhari ili watoto wenu watakapochaguliwa kuendelea na masomo, basi msione uzito wa kuwapeleka sekondari,” alisema Bw. njanga 

Chonde chonde wazazi wenzangu, endapo mtaanza kujiwekea akiba kidogo kidogo ya kuwapeleka watoto wenu sekondari, ni dhahiri kuwa hamtakosa sare za shule, madaftari na ada, alisema afisa elimu huyo.

Wakati huouhuo, Afisa elimu wa Mkoa wa Iringa Bw. Majuto Salehe Njanga amesema mkoa wa iringa unajumla ya watahiniwa 24,906 ambao watafanya mtihani wa wa kuhtimu elimu ya msingi kwa mwaka 2017.

Alisema kuwa mitihani hiyo itaanza siku ya kesho ya tarehe 6 na itamalizika tarehe 7.

Aliseleza kuwa wasichana wanaotarajiwa kufanya mtihani huo ni 13,412 huku wavulana wakiwa 11,494 kwa shule zote mkoani iringa.

Aidha Bw. Njanga amewataka wanafunzi kuepuka udanganyifu kwa kupewa mitihani nje ya chumba cha mtihani.

Hata hivyo ameongeza kwa kusema kuwa maandalizi yote yameshakamilika kwa shule zote za mkoani wanangoja kesho kuanza mitihani hiyo.

Wataniwa watakaofanya mitihani wa kumaliza elimu ya shule ya msingi kila wilaya ni kama ifuatavyo; manispaa ya iringa ni wanafunzi 3,738 (wasichana 1,976 na wavulana 1,762), wilaya ya iringa ni watahiniwa 6,519 (wasichana 3,493 na wavulana 3,026), Kilolo ni wanafunzi 5,940 (wasichana 3,221 na wavulana 2,719), Mufindi ni 6,820 (wasichana 3,724 na wavulana 3.096) na Mafinga mji ni jumla ya watahiniwa 1,889 (wasichana 998 na wavulana 891). Na Friday Simbaya, Iringa

24,906 CANDIDATES SITS FOR PSLE EXAMS IN IRINGA

While the National Examination Council Tanzania (Necta), officially announcing the start of the Primary School Leaving Examination (PSLE), tomorrow, September 6 this year, across the country, the call was given to parents not to be relaxed but to initiate children's preparations later.

The call is provided by Iringa Regional Education Officer (REO) Mr. Majuto Salehe Njanga while talking to the Citizen in a special interview today.

Mr. Njanga called on parents that this is not time sit back and forgets the results will announced later and shocking at last days the child has been selected to go to secondary school while you have not been preparing.

"From now on parents and guardians, be careful to keep your savings carefully so that your children will be selected for further education, so do not see the weight of paying for secondary education," said Mr. Njanga.

Please my colleagues, if you start investing a small amount of savings to your secondary children, it is obvious that you will not miss school uniforms, books and fees, said the education officer.

Meanwhile, Iringa Regional Education Officer Mr. Majuto Salehe Njanga has said a total of 24,906 candidates who will sit for their final exams for completing primary education in 2017.

He said the examinations would start on the day of 6th and will end on 7th.

Mr. Njanga suggested that the girls expected to sit for exams were 13,412 while 11,494 boys in all schools of Iringa region.

Either Mr. Njanga has asked pupils to avoid fraud for exams outside the test room.

He added, however, that all preparations have been completed by all local schools waiting tomorrow to start the tests.

The pupils who are going to complete the primary education this year in each district are as follows; Iringa municipality is 3,738 scholars (1,976 girls and 1,762 boys), Iringa district council is 6,519 candidates (3,493 girls and 3,026 boys), Kilolo District is 5,940 students (3,221 girls and 2,719 boys), Mufindi DC is 6,820 (3,724 girls and 3,096 boys) and Mafinga Town is a total of 1,889 candidates (998 girls and 891 boys).

By Friday Simbaya, Iringa