NYAMA YA NG'OMBE MJINI IRINGA YAPANDA SIKUKUU YA KRISMASI

Baadhi ya wateja wakiwa katika mmoja ya mabucha ya nyama ya ng’ombe leo mjini Iringa, mkoani Iringa wakati huu wa kusherehekea siku kuu ya Noeli. (Picha na Friday Simbaya)

IRINGA: Wakristo duniani kote wanasherehekea Sikukuu ya Krismasi, jana msongamano katika soko la Manispaa ya Iringa na mitaa maarufu ya Mashine tatu na Miyomboni iliongezeka, huku baadhi ya bidhaa zinazotumika kwenye sikukuu, ikiwemo nyama, zikiwa zimepanda bei.

Wakazi wa mjini Iringa wamesema bei ya nyama ya ng’ombe imepanda katika kipindi hiki cha sikukuu ya Krismasi.

Walisema kuwa nyama ya ng’ombe imepanda kutoka shilingi elfi sita hadi kufikia shilingi elfu sita na mia tano kwa kilo moja.

SIMBAYABLOG ilIshuhudia baadhi ya mabucha ya nyama ya ng’ombe yakiwa yamefurika wateja katika maeneo mbalimbali ya halmashauri ya Manispaa ya Iringa leo asubuhi.

Elizabeth Kadaga ni mkazi wa Frelimo, Manispaa ya Iringa alisema kuwa wafanyabiashara huwa wanatumia mwanya wa siku kuu kama krismasi na mwaka mpya kuvuna faida kubwa kwa kupandisha bei ya nyama ya ng'ombe.

Alisema kuwa siku za kawaida bei ya nyama huwa ni shilingi elfu sita (6,000/-) kwa kilo, lakini katika kipindi hiki cha Noeli wafanyabiasha huwa na kawaida ya kupandisha bei ya bidhaa mbalimbali.

Aliongeza kuwa wafanyabiasha huwa na kawaida ya kuchanganya nyama na vitu vya ndani (ofals) kama vile utumbo, moyo na maini unaponunua nyama ya kawaida.

“Wauza nyama katika kipindi hiki wanakuwa na kuburi wanauza nyama wanavyotaka kuwa kujua kwamba watauza tu wanakuchanganishia na utumbo humohumo kwenye nyama ya kawaida,” alisema Elizabeth.

Naye mkazi wa kihesa katika Manispaa ya Iringa, Clementine Sambala alisema kuwa pamoja na kwamba hali ya maisha ni ngumu watu wamefurika katika mabucha kununua nyama ili kusherekea Krismasi.

Alisema krismasi ya mwaka huu imesuasua ukilinganisha na mwaka jana kila watu wanalia hali ngumu, biashara zao hazitoki na pia watu wengi hawana hela ya kununua mahitaji ya siku kuu ya krisma na mwaka mpya.

Mmoja wa wauza nyama ya ng'ombe anayeuliza nyama katika bucha iliyopo katika ya mji wa Iringa alipoongea na nipashe alisema kuwa wateja wanalifahamu hilo sio kitu kigeni.

Alisema kuwa kawaida siku kuu kama krismasi na mwaka mpya biashara huwa nzuri kwa hivyo huwa tunawachanganyia wateja nyama pamoja utumbo, na kuongeza kuwa hata siku kuu ya mwaka mpya itakuwa hivyohivyo.

WAKRISTO WALIVYOSHIRIKI IBADA YA MKESHA WA KRISMASI JIJINI DAR ES SALAAM

Askofu mstaafu wa Kanisa la Kiinjili la Kilutheri Tanzania (KKKT), Dk. Alex Malasusa, akisalimiana na muumini wa kanisa hilo Usahrika wa Azania Front, Violet Muro baada ya kumpatia zawadi ya ibada mkesha wa Krismasi iliyofanyika jana usiku jijini Dar es Salaam.

Kwaya ya Kanisa la Anglikana la Mtakatifu Akbano ikitumbuiza katika ibada iliyofanyika katika kanisa hilo jijini Dar es Salaam.

Waumini wa Kanisa la Anglikana la Mtakatifu Albano wakiwa kwenye ibada ya mkesha wa krismasi.

Vijana wa Kanisa la KKKT la Azania Front wakiigiza igizo la kumbukumbu ya kuzaliwa Yesu Kristo.

Kwaya ya Vijana ya KKKT usharika wa Azania Front ikitoa burudani.

Kwaya ya vijana ya KKKT Usharika wa Azania Front ikiendelea kutoa burudani.

Watoto wakishiriki ibada katika Kanisa la KKKT la Azania Front

Askofu mstaafu wa Kanisa la Kiinjili la Kilutheri Tanzania (KKKT), Dk. Alex Malasusa akimsalimia muumini wa kanisa hilo, Violet Njau aliyekuwa ameongoza na familia yake.

waumini wakiwa nje ya Kanisa la Kiinjili la Kilutheri usharika wa Azania Front baada ya ibada hiyo.

Kwaya ya Kanisa Katoliki la Mtakatifu Joseph ikitoa burudani

Na Dotto Mwaibale

AMANI Duniani na hapa nchini hawezi kuletwa na matajiri bali italetwa na maskini wenye kumcha mungu.

Hayo yalisemwa na Askofu Mkuu wa Kanisa Katoliki, Jimbo Kuu la Dar es Salaam, Mwadhama Polycarp Kardinali Pengo wakati akiongoza ibada ya mkesha wa Krismasi katika Kanisa la Mtakatifu Joseph Dar es Salaam jana.

"Amani duniani na hapa nchini haiwezi kuletwa na matajiri bali italetwa na maskini wamchao kristo" alisema Pengo.

Alisema kila mmoja wetu mahali alipo akitekeleza wajibu wake ipasavyo atambue anakuwa anatekeleza amani.

Askofu mstaafu wa Kanisa la Kiinjili la Kilutheri Tanzania Dk. Alex Malasusa alisema Sikukuu ya Krismasi inamaanisha ni amani na ndio maana watu mbalimbali wamekuwa wakipeana zawadi kuashiria amani hivyo akawaomba wakristo na watu wote kuendeleza amani nchini. 

Katika ibada hiyo ya mkesha wa Krismasi waumini walimiminika kwenye makanisa ya Anglikana la Mtakatifu Albano, Kanisa Katoliki Jimbo Kuu la Dar es Salaam la Mtakatifu Joseph na Kanisa la Kiinjili la Kilutheri Tanzania (KKKT), Azania Front huku wakiburudishwa na nyimbo za kusifu mungu za kuzaliwa kristo.