HALMASHAURI YA WILAYA YA SONGEA INA JUMLA YA WANAFUNZI 3770 WASIOJUA KUSOMA, KUANDIKA NA KUHESABU

 

Mkuu wa Wilaya ya Songea Joseph Mkilikti akifungua mkutano wa siku moja wa wadau wa elimu wa tathmini ya elimu na matokeo ya mtihani wa kuhitimu elimu ya msingi na daras la nne mwaka 2013 leo katika Ukumbi wa Mt. Benedkito Peramiho wilayani Songea, mkoani Ruvuma.

 

Wadao elimu mbalimbali wakimsikiliza mgeni rasmi ambaye ni Mkuu wa Wilaya ya Songea Joseph Mkilikiti wakati mkutano wa tathmini wa kuhitimu elimu ya msingi na darasa la nne mwaka 2013wilayani Songea, mkoani Ruvuma leo.

Na Friday Simbaya, Songea

Halmashauri ya Wilaya ya Songea, Mkoa wa Ruvuma katika Idara ya Elimu ya Msingi  ina jumla ya wanafunzi 3770 wasiojua kusoma, kuandika na kuhesabu (K.K.K.), imefahamika.

Hayo yalibainika wakati  wa mkutano wa kutathmini elimu na matokeo ya mtihani wa kuhitimu elimu ya msingi na daras la nne mwaka 2013 uliofanyika hapa Peramiho hivi karibuni .

Akisoma taarifa yake ya utekelezaji kwa wadau wa elimu mbalimbali waliohudhuria kikao hicho cha siku moja, Afisa Elimu Taaluma, Wilaya ya Songea, Vincent Chimoto alisema kuwa wapo wanafunzi wasiojua kusoma, kuandika na kuhesabu katika shule za msingi mwaka 2013 wapatao 3770 darasa la I-VII.

Afisa huyo wa elimu taaluma pia aliwaagiza walimu kuchukuwa jitihada za makusudi kwa kutenga muda wa ziada na kuwa na ratiba ya kuwafundisha wanafunzi hao ili wajue stadi za K.K.K.

Aidha, alisema kuwa Halmashauri ya Wilaya ya Songea inazo jumla ya shule za msingi 96, kati ya hizo shule zenye darasa la saba ni 89.

“ Wilaya ina jumla ya wanafunzi wapatao 32,592 kati ya hao wavulana ni 16,010 na wasichana 16,582,” alifafanua.

Alisema wilaya ina jumla ya walimu 721, mahitaji ni 911 hivyo upungufu ni walimu 190.

“Katika mgao wa walimu wapya mwaka 2013 tulipata walimu 96, lakini walioripoti ni 87 na ambao walisafirishwa hadi katika vituo vyao vya kazi,” aliongeza.

Awali akifungua kikao hicho cha wadau wa elimu, Mkuu wa Wilaya ya Songea, Joseph Mkilikiti aliwataka wadau  kuchukua hatua za makusudi  kwa kuweka nguvu ya pamoja kuinua sekta ya elimu wilayani hususani elimu ya msingi.

Alisema kuwa elimu ya msingi ndio kila kitu ni kama msingi wa nyumba. Msingi wa nyumba unapokosewa hakika nyumba hiyo haiwezi kuwa imara tena.

MATOKEO YA MTIHANI

Mtihani wa kuhitimu elimu ya msingi ulifanyika nchini kote kuanzia tarehe 10-11/9/2013. Wilaya ilikuwa na jumla ya shule za msingi zipatazo 89 zenye wahitimu wapatao 3738 kati yao wavulana ni 1680 na wasichana ni 2058 waliosajiliwa kufanya mtihani.

Matokeo ya mtihani yanaonesha kuwa wilaya ina wastani wa ufaulu wa asilimia 42.5 ukilinganisha na ule wa mwaka 2012 ambao ni asilimia 30. Katika matokeo ya kimkoa, wilaya ni ya pili kwa kupata wastani wa ufaulu asiliamia 42.5.

CHANGAMOTO ZINAZOKABILI UTOAJI TAALUMA

Upungufu wa walimu unaotokana na walimu wengi kustaafu na wengine kufariki dunia, mfano wastaafu 2010/2011 walimu 28, 2011/2012 walimu 26, 2013/2014 walimu 37. Jumla yao ni 91 na waliofariki dunia ni walimu 13.

Utoaji chakula kwa wanafunzi bado ni tatizo, msisitizo unahitajika wa pamoja ili kufikia malengo ya shule zote kutoa chakula. Mwaka 2013 shule 48 kati ya 96 zinatoa chakula.

Utoro wa rejareja wa walimu na wanafunzi huchangia kushusha taaluma. Kwa upande wa walimu mada katika masomo hazimaliziki na kwa upande wa wanafuzi kukosa baadhi ya mada.

Baadhi ya walimu kutokuwa na moyo wa kujituma kuwafundisha wanafunzi hususani wanafunzi wasiojua K.K.K. na wanajiandaa kufanya mitihani ya taifa darasa la nne na la saba.

WATANZANIA MILIONI 5 HATARINI KUTOPIGA KURA MWAKANI

Na Friday Simbaya, Songea
Katibu Mkuu wa Chadema Dkt. Wilibrodi Slaa amesema zaidi ya watu milioni tano (5m) nchini Tanzania hawataweza kushirika kupigakura ya maoni ya katiba ya rasimu ya pili kwa  kupigiakura kutokana na mbalimbal ikiwemo kukosa shahada za kupigiakura imefahamika.
Dkt. Slaa alisema kuwa watu wengi waliofikisha miaka kumi na nane (18) na waliopoteza shahada hizo ama kwa kuuza au kupoteza hawatashirika kupigakura ya maoni ya katiba.
Hayo yalisema leo wakati wa Mkutano Mkuu wa chama hicho uliofanyika katika viwanja vya Tamasha vilivyopo Namihoro, wilayani Songea vijijini mkoani Ruvuma, wakitokea Mbamba Bay na Mbinga, ikiwa ni kuashilia mwanzo wa opresheni M4C PAMOJA Daima inayofanyika nchini nzima.
Alisema ili watu wengi waweze kushiriki kupigakura ya maoni ya katiba kikamilifu ni lazima daftari ya wapigakura nchini liboreshwe.
“Tunaiomba serikali kupitia Tume ya Uchaguzi Nchini (NEC) ianze zoezo la kuboresha daftari ya wapigakura ili watu wengi washiriki katika kupigakura ya maoni ya katiba na hatimaye Uchaguzi Mkuu wa 2015,” alisema Dkt. Slaa.
Aliwaomba wananchi wa Jimbo la Peramiho kushiriki kikamilifu katika chaguzi za serikali za mitaa zinazo tarajia kufanyika mwaka huu ili kuweza kuchaguwa upinzani kikiwemo chama cha Chadema.
Alisema kuwa kwa sasa maisha ya wanachi ni magumu pamoja kwamba nchi imebarikiwa kuwa na rasilimali nyingi lakini wananchi wake bado ni masikini kwa sababu ya viongozi kukosa moyo wa uzalendo.
Gharama za maisha inapanda kila siku hasa gharama za matibabu hospitali hususan hospitali binafasi ni kubwa na ukizingatia Peramiho haina hospitali ya serikali ambaye ni mkombozi wa wanyenge.
Alisema kuwa endapo chama chake cha Chadema kitafanyikwa kushika madaraka katika Uchaguzi Mkuu wa mwaka 2015, kitu cha kwanza ni kuuza ndege ya serikali amabye anatumia na rais na kununua helikopta nyingi zinazo fikika kila mahala kuliko ndege ya rais inayotua viwanja sita tu.
Aiongeza kuwa kutumia ndege ya serikali ni gharama kuliko kutumia helikopta kwa sababa ni rahisi kufanya mikutano kumi na nne kwa siku kwa sababu ya kutumia helikopta.

MALENGO YA OPERESHEN
Mwenyekiti wa Chadema Freeman Mbowe alisema operesheni hiyo imezingatia mwaka 2014 kuwa na historia ya matukio ya kisiasa nchini, ambayo chama kinahitaji kujipanga kukabiliana nayo.
Aliyataja matukio hayo kuwa ni pamoja na Bunge Maalumu la Katiba linalotarajiwa kuanza rasmi mwanzoni mwa mwezi ujao.
Hivyo, alisema chama kimeona kuwa kuna ulazima wa kuliandaa Taifa kwa ajili ya kulikabili tukio hilo.
Alisema matukio mengine ni uchaguzi wa serikali za mitaa na kura ya maoni, ambayo itapigwa na wananchi kuamua ama kuikubali au kuikataa rasimu ya pili ya katiba mpya.
Kutokana na hilo, Mbowe alisema wanatumaini kuwa daftari la kudumu la wapigakura litatumika katika kuendesha kura ya maoni.
Hivyo, alisema wameona ni lazima waliamshe Taifa kuhusu kujiandikisha katika daftari hilo.
Alisema tangu mwaka 2010, daftari la kudumu la wapigakura halijaboreshwa.
Kutokana na hali hiyo, alisema itakuwa ni ndoto za serikali kufikiria kwamba Watanzania watarudi kuitumia katiba ya mwaka 1977 inayotumika hivi sasa baada ya kuwa tayari wamekwishaikataa.
Mbowe alisema matukio mengine ya kisiasa yanayotarajiwa kujiri mwaka huu, ni uchaguzi mdogo wa udiwani katika kata 27 nchini.
Alisema kati ya kata hizo, Chadema imesimamisha wagombea kwenye kata 26 baada ya mgombea wao katika Kata ya Mtae, mkoani Tanga kushindwa kurejesha fomu za kuomba kuwania kiti hicho katika mazingira ya kutatanisha.
Mbowe alisema katika mwaka huu pia kunatarajia kufanyika uchaguzi mdogo wa ubunge katika Jimbo la Kalenga kuziba nafasi iliyoachwa wazi kufuatia kifo cha Dk. Mgimwa.
Alisema pia katika mwaka huu watakuwa na uchaguzi wa ndani ya chama, hivyo wameona ulazima wa kuwaandaa wana-Chadema kushiriki uchaguzi huo.
Alisema pia Watanzania watakuwa na uchaguzi mkuu mwakani, hivyo wameamua kuutumia mwaka huu kukazia maandalizi kwa ajili ya ushiriki wao katika uchaguzi huo.
Mbowe alisema watatumia fursa hiyo kuibua kashfa na mambo yote yanayowakera wananchi katika maeneo yao.
Kwa mujibu wa Mbowe, operesheni hiyo ambayo itakuwa ya wiki mbili, itaendeshwa kwa njia ya mikutano ya hadhara na ya ndani.