Imebainika: Kumbe Marekani haikutuma meli za kivita Korea Kaskazini........Vilikuwa ni Vitisho Kwa Korea Kaskazini

Marekani na Korea Kaskazini zimeendelea kujibizana vikali, ambapo safari ya meli za kivita za Marekani ikiwemo meli yenye uwezo wa kubeba ndege za kivita ya Carl Vinson imeibua hisia kubwa na uwezekano wa Marekani kufanya shambulio la mapema kujaribu kulemaza mfumo wa kijeshi wa Korea Kaskazini.

Wakati taarifa hizo zikienea, imebainika kwamba meli hizo za kivita za Marekani hazikuwa zinaelekea upande wa Korea Kaskazini kama ilivyoripotiwa awali, bali zilikuwa zinaelekea eneo tofauti.

Awali iliripotiwa kuwa, Jeshi la wanamaji la Marekani lilikuwa likielekea Korea kama hatua ya kuionya Korea Kaskazini, ambapo Rais Trump pia alitangaza kwamba kundi kubwa la meli za kivita lilikuwa likitumwa eneo hilo, hivyo imebainika kuwa si kweli.

Hadi kufikia mwishoni mwa wiki, meli hizo zilikuwa zimesafiri mbali sana na rasi ya Korea na zilikuwa zinapitia mlango wa bahari wa Sunda kuingia katika Bahari ya Hindi.

Wakuu wa jeshi la wanamaji la Marekani katika Bahari ya Pasifiki walisema Jumanne kwamba walikuwa wamefutilia mbali safari ya meli hizo katika bandari ya Perth.

Kundi hilo la meli sasa "linaelekea Magharibi mwa Pasiki kama lilivyoamrishwa".

Bado haijabainika iwapo kulitokea sintofahamu katika mawasiliano au labla Marekani ilipotosha watu makusudi kujaribu kumtia wasiwasi kiongozi wa Korea Kaskazini Kim Jong-un.

Aidha, Marekani imesema Korea Kaskazini ilipotekeleza jaribio la kombora ambalo lilifeli mwishoni mwa wiki ilikuwa na nia fulani ya kiuchokozi.

Waziri wa Ulinzi wa Marekani, James Mattis amesema Marekani inafanya kazi kwa karibu na China kukabiliana na Korea Kaskazini. Amesema kuwa jaribio hilo lililofanywa na Korea Kaskazini lilikuwa la kutojali na ilifanya hivyo kwa kuichokoza Marekani.

Aidha, Korea Kaskazini wamesema kuwa itafanya majaribio ya makombora kila wiki na pia ikaonya kwamba kutatokea vita kamili iwapo Marekani itaichukulia hatua za kijeshi.

“Iwapo Marekani wanapanga kutushambulia, tutajibu kwa shambulio la nyuklia kwa mtindo na njia yetu wenyewe,” amesema Naibu waziri wa mambo ya nje wa Korea Kaskazini, Han Song-ryol

Pande zote mbili zimekuwa zikijibizana vikali baada ya Korea Kaskazini kufanya jaribio hilo la makombora.

Bw Mattis alisema kwamba jaribio hilo la Jumapili halikuhusisha kombora linaloweza kuruka kutoka bara moja hadi jingine lakini bado lilikuwa ishara ya kutojali.

“Inadhihirisha ni kwa nini tunafanya kazi kwa karibu kwa sasa na Wachina…tunajaribu kudhibiti hali hii na lengo letu ni kumaliza silaha za nyuklia katika rasi ya Korea,” alisema.

Credit:BBC

WATUMISHI WENYE VYETI FEKI SERIKALI WAFIKIA ELFU 10

Sakata la watumishi wa umma kushughi vyeti vya elimu limezidi kuchukua sura mpya na sasa wamefikia zaidi ya 10,000.

Hatua hiyo, inatokana na uhakiki uliofanywa na Sekretarieti ya Ajira katika Utumishi wa Umma ambayo imebaini waombaji kazi 39,511 kati yao, 1,951 wana vyeti vya kughushi.

Kuongezeka kwa idadi hiyo, kunatokana na kauli ya Rais Dk. John Magufuli, wiki iliyopita, kwamba anasubiri ripoti ya wafanyakazi wa Serikali ambao wamebainika kuwa na vyeti feki.

Kauli hiyo aliitoa Dar es Salaam, wakati akizindua mabweni mapya ya wanafunzi wa Chuo Kikuu cha Dar es Salaam (UDSM).

Alisema anafahamu idadi ya watumishi wenye vyeti feki ni zaidi ya 9,000 na anaisubiri ripoti hiyo kuifanyia kazi.

“Kwa hiyo mnaweza mkaona shida zilizopo katika nchi hii, huku wafanyakazi hewa karibu 19,000, wanafunzi hewa ni zaidi ya 56,000, kila mahali unapokwenda ni matatizo, lakini ni lazima niyatatue matatizo kwa sababu mlinichagua kwa ajili hiyo,” alisema Rais Magufuli.

Akiwasilisha hotuba ya bajeti ya mwaka 2017/18 kwa ofisi yake jana bungeni mjini hapa, Waziri wa Nchi Ofisi ya Rais, Menejimenti ya Utumishi wa Umma na Utawala Bora, Angella Kairuki, alisema baada ya kubainika kwa hali hiyo, wahusika waliondolewa kwenye mchakato, huku vyeti hivyo vikiwasilishwa katika mamlaka husika kwa hatua za kisheria.

“Wahusika waliondolewa katika mchakato pamoja na vyeti hivyo kuchukuliwa na kuwasilishwa kwa mamlaka husika kwa ajili ya hatua zaidi,” alisema Kairuki.

POLISI DAR YAWATIA MBARONI WATU 267

Jeshi la Polisi Kanda Maalumu ya Dar es Salaam limekamata watuhumiwa 267 kwa makosa mbalimbali ikiwemo unyang’anyi wa kutumia silaha, utapeli, wizi, kucheza kamari, na kupatikana kwa dawa za kulevya, kuanzia Aprili 13 hadi 17,2017.

Akizungumza na waandishi wa habari leo Aprili 19, 2017 Jijini Dar es Salaam, Kamishna wa kanda hiyo, Kamanda Simon Sirro amesema takribani kete 366 za dawa za kulevya, bhangi misokoto 51 na lita 200 za pombe haramu aina ya gongo zilikamatwa kufuatia operesheni kali iliyofanywa na askari polisi.

“Pia Polisi wamekamata watuhumiwa watatu kwa wizi wa vitu mbalimbali maeneo ya Chamanzi wanaofahamika kwa majina ya Athuman Bashiru na Rashid Seleman na Mohamed Mussa. Pia wamekamata pikipiki moja ya wizi na kwamba watuhumiwa wawili wanashikiliwa kufuatia tukio hilo ambapo walimkata na panga kichwani mmiliki wake Ibrahim Shaban na kumpora pikipiki hiyo,” amesema.

Aidha, amesema Jeshi la Polisi mnamo Aprili 10, 2017 limekamata watuhumiwa watano wa ujambazi ambao hushirikiana kufanya matukio ya unyang’anyi wa kutumia silaha katika maeneo mbalimbali ya jiji.

Amewataja watuhumiwa hao kuwa ni Salimu Matanda, Eliaki Chaki, Shaban, Rashid Said, na Nassoro Choro ambao wamekamatwa baada ya kuiba pikipiki aina ya Boxer inayomilikiwa na Noel Mkinga.

Katika tukio lingine, Kamanda Sirro amesema Jeshi la Polisi lilikamata silaha moja aina ya Shotgun maeneo ya Kiwalani iliyofutwa namba za usajiri baada ya wahalifu waliokuwa nayo kuitekeleza walipokuwa wanakimbizwa na Polisi

20 DRIVERS TO PARTICIPATE IN IRINGA MOTOR RALLY

THE Chairperson of the Iringa Motor Sports Club (IMSC) Hamid Mbatta has urged citizens to take advantage of Iringa Motor rally to promote business due to the many visitors who come to the region to witness the event.

He said that more than 500 guests and 20 drivers from within and outside the country are expecting to witness and participate in the race that will take place in Iringa at national level starting on 22-23 April this year.

Mbatta said that racing is a great opportunity to do business with the promotion and strengthening of the tourism industry of the southern tourism circuit.

He said that there are five ways selected for the competition in which more than 302 Km both (Completion section and the transport section) from the Mkwawa water factory located in Iringa who are major sponsors of the competition.

He mentioned participants from Iringa known as Mkwawa Rally Team as Ahmed Huwel with his navigator Maisam Fazal who will be driving his new car Ford Fiesta and of Hamid Mbatta with his assistant (navigator) sultan Chana.

Another person who requested to participate through Iringa Motor Sports Club is Shanto who will be his assistant Rahim.

IMSC chairperson Hamid said that the Iringa region so far has continued to do well in the contest and are more likely to participate in the international competition.

The founder of the motor rally in Iringa Francis Mwakatundu said that his region is a threat to the tournament.

Also veteran drivers of race cars in the country Gerald Miller from Arusha and Davis Mosha have confirmed participation in Iringa Motor rally.

For his part, Iringa District Commissioner Richard Kasesela on behalf of Iringa Regional Commissioner Amina Masenza, has asked people of the region of Iringa to take precautions during race cars.

Speaking to the media yesterday said Kasesela for Saturday and Sunday during will be used for the competition to race cars of which Mkwawa Drinking water Sponsored the competition that are part of the economic growth of the region.

He also said through this competition are more likely to attract people to visit some of the tourist attractions that are available in the region including the Ruaha national park.

In addition he said that parents should be careful with children and bodaboda riders to stop chasing the racing cars during the contest because it is dangerous.

And Afande Steven Nyandongo from Regional traffic department in Iringa on behalf Regional Traffic officer (RTO) has wanted Iringa Motor sports club with the participants of the tournament to ensure that they put safety first, including follow traffic laws.

MADEREVA 20 KUSHIRIKI MASINDANO YA MAGARI MKOANI IRINGA

Mshiriki wa mashindano ya mbio za magari kutoka Iringa (Mkwawa Rally Team), Ahmed Huwel ambaye atatumia gari lake mpya aina ya Ford Fiesta akimkaribisha Dereva mkongwe wa mbio za magari nchini Gerald Miller (wa pili kulia) kutoka mkoani Arusha alipowasili jana, kwa ajili ya kushiriki mashindano ya mbio za magari yatakayofanyika kuanzia tarehe 22-23, mwezi Aprili mwaka huu mkoani Iringa. Mashindano hayo yanayoandaliwa na klabu ya mbio za magari ya Iringa (IMSC) kwa kushirikiana na kiwanda cha maji cha Mkwawa cha mjini Iringa. (Picha na Friday Simbaya)

Mkuu wa wilaya ya Iringa Richard Kasesela akizungumza na wanahabari jana kuhusu Mashindano ya mbio za magari kitaifa yatakayoshirikisha madereva 20 wakiwa pamoja na wasaidizi wao kutoka ndani na nje ya nchi yanayoandaliwa na klabu ya mbio za magari ya Iringa (IMSC) kwa kushirikiana na kiwanda cha maji cha Mkwawa cha mjini Iringa. Kulia kwake ni Mwenyekiti wa IMSC Hamid Mbatta na kushoto kwake ni Afande Steven Nyandongo wa kikosi cha usalama barabarani -Iringa na Mwasisi wa mashindano hayo mkoani Iringa Francis Mwakatundu.(Picha na Friday Simbaya)

Dereva mkongwe wa mbio za magari nchini Gerald Miller kutoka mkoani Arusha akikagua gari lake aina ya Mitsubishi baada ya kuwasili mjini Iringa jana kwa ajili ya kushiriki mashindano ya mbio za magari yatakayofanyika kuanzia tarehe 22-23, mwezi Aprili mwaka huu mkoani Iringa. Mashindano hayo kitaifa yatashirikisha madereva 20 wakiwa pamoja na wasaidizi wao kutoka ndani na nje ya nchi yanayoandaliwa na klabu ya mbio za magari ya Iringa (IMSC) kwa kushirikiana na kiwanda cha maji cha Mkwawa cha mjini Iringa. (Picha na Friday Simbaya)

Mwenyekiti wa chama cha mbio za magari mkoa wa Iringa (IMSC) Hamid Mbatta amewataka wananchi mkoani iringa kutumia fursa ya mashindano ya mbio za magari kukuza biashara kutokana na wageni wengi watakaofika mkoani hapa kushuhudia mashindano hayo.

Alisema kuwa zaidi ya wageni 500 na madereva 20 kutoka ndani na nje ya nchi wanatarajia kushuhudia na kushiriki mashindano ya mbio za magari kitaifa yatakayofanyika mkoani iringa kuanzia tarehe 22-23, Aprili mwaka huu.

Mbatta alisema kuwa mashindano ya magari ni fursa kubwa kwa kufanya biashara pamoja na kukuza na kuimarisha sekta ya utalii kanda ya kusini.

Alisema kuwa kuna njia tano zilizochaguliwa kwa ajili ya mashindano ambapo zaidi ya Km 302 (completion section na transport section) kuanzia kiwanda cha maji cha mkwawa kilichopo mjini iringa ambao ni wadhamini wakubwa wa mashindano hao.

Alitaja washiriki kutoka mkoani Iringa (Mkwawa Rally Team) kuwa ni ahmed Huwel akiwa na msaidizi wake Maisam Fazal ambaye alitumia gari lake mpya aina ya Ford Fiesta na Hamid Mbatta akiwa na msaidizi wake (navigator) sultan Chana.

Mwingine aliyeomba aliomba kushiriki kupitia Mkwawa Rally Team ni Shanto ambaye atakuwa na msaidizi wake Rahim.

Mwenyekiti wa chama cha mbio za magari mkoa wa Iringa Hamid Mbatta alisema kuwa mkoa wa Iringa hadi sasa umeendelea kufanya vema kwenye mashindano hayo na upo uwezekano mkubwa wa kushiriki mashindano ya kimataifa.

Mwasisi wa mashindano hayo Francis Mwakatundu alisema kuwa Iringa ni tishio kwa mashindano hayo.

Pia dereva mkongwe wa mbio za magari nchini Gerald Miller kutoka mkoani Arusha na davis Mosha wamethibitisha kushiriki mashandano hayo.

Kwa upande wake, mkuu wa wilaya ya Iringa Richard Kasesela kwa niaba ya Mkuu wa Mkoa wa Iringa Amina Masenza Amewataka wananchi wa mkoa wa Iringa kuchukua tahadhari wakati wa mashindano ya mbio za magari.

Akizungumza jana na wanahabari Kasesela alisema kwa siku ya Jumamosi na jumapili wakati mashindano hayo ya mbio za magari zilizodhaminiwa na kiwanda cha maji Mkwawa kuwa ni sehemu ya ukuaji wa uchumi wa mkoa.

Alisema kuwa kupitia mashindano hayo upo uwezekano mkubwa wa mkoa wa Iringa kuingia katika mashindano ya kimataifa ya mbio za magari.

Pia alisema kupitia mashindano hayo upo uwezekano mkubwa wa kutangaza hifadhi ya Taifa ya Ruaha.

Aidha alisema kuwa kwa wazazi wanapaswa kuwa makini na watoto pamoja na waendesha bodaboda kuacha kufukuza magari ya mashindano.

Naye Afande Steven Nyandongo wa kikosi cha usalama barabarani -Iringa amekitaka chama cha mbio za magari mkoa wa Iringa pamoja na washiriki wa mashindano hayo kuhakikisha wanaweka usalama kwanza ikiwa pamoja na kufuata sheria za usalama barabarani. 

MAKOTA FOREST YAKABIDHI BATI 20 NA MIFUKO YA CEMENT 100 KWA MKUU WA WILAYA KILOLO

Mkuu wa wilaya ya Kilolo Asia Abdalah (kushoto) akipokea msaada wa madawati 20 kutoka kwa mkurugenzi wa kampuni ya Makota Forest Bharat Bhesania jana kampuni hiyo imetoa madawati hayo pamoja na bati 100 kwa ajili ya ujenzi wa vyumba vya madarasa na nyumba za walimu.

KAMPUNI ya Makota Forest ya inayojihusisha na shughuli za Kilimo katika kata ya Ihimbo wilaya ya Kilolo mkoani Iringa imetoa msaada wa bati 100 pamoja na madawati 20 kwa ajili ya kuunga mkono serikali ya wilaya ya Kilolo ya ujenzi wa vyumba vya madarasa .

Akizungumza leo [jana] wakati wa kukabidhi msaada huo kwa mkuu wa wilaya ya Kilolo Asia Abdalah ,Mkurugenzi mtendaji wa kampuni hiyo Bharat Bhesania alisema kuwa kampuni yake itaendelea kusaidia shughuli mbali mbali za kimaendeleo katika wilaya ya Kilolo na maeneo mengine ya mkoa wa Iringa .

Bhesania alisema kuwa jitihada zinazofanywa na viongozi wa wilaya ya Kilolo na mkoa wa Iringa katika kuwaletea wananchi maendeleo ni jitihada ambazo zinapaswa kuungwa mkono na wadau wote wa maendeleo ndani ya mkoa huo na waliopo nje ya mkoa .

" Sisi kama wawekezaji tunaowajibu wa kuunga mkono shughuli zote za kimaendeleo zinazoendelea katika maeneo yetu ....nimekuwa nikisaidia shughuli nyingi sana na sichoki kuendelea kusaidia "Alisema Bhesania

Kwa pande wake Meneja wa kampuni Gibson Mkuvalwa alisema kampuni yake inajihusisha na kilimo cha mahindi na mwaka huu ndipo shamba hili limeanza ila changamoto kubwa wanayokutana nayo ni kodi kubwa wanayolipa na kuomba serikali kuweza kuliangalia hilo.

Mkuvalwa alisema kupitia kampuni hiyo wameweza kutoa ajira kwa wananchi wanaozunguka kampuni hiyo na wamekuwa wakijitolea kutengeneza barabara na kushiriki kwa nguvu zote kuunga mkono shughuli za kimaendeleo .

Nae Mkuu wa wilaya ya Kilolo Asia alisema kuwa kuwa mwekezaji huyo ameanza kufungua rasmi mlango wa wawekezaji na wadau wa maenbdeleo Kilolo kuanza kuchangia bati na madawati na kuwa amepata kufanya ziara ndani ya wilaya hiyo na nje ya wilaya kwenda kuwaomba wawekezaji na wadau wa maendeleo waliopo nje ya Kilolo kusaidia harambee hiyo ya ujenzi wa vyumba vya madarasa na nyumba za walimu .

Alisema kuwa msaada huo wa kampuni ya Makota Forest ni mwanzo wa wadau wengine kujitokeza kusaidia harambee hiyo na kuwaomba wawekezaji wengine kujitokeza .

Hezron Nganyagwa ni Diwani wa kata ya Ihimbowilayani humo nae aliishukuru kampuni hiyo kwa msaada huo alisema kuwa utasaidia kwa matumizi ya shule iliyokumbwa na maafa ya kuezuliwa ambayo wananchi wameanza ujenzi wa kuta .