HALMSHAURI YA MJI MAFINGA YAKOPESHA VIKUNDI 60 VYA KINA MAMA NA VIJANA

HALMSHAURI ya Mji wa Mafinga mkoani Iringa yakopesha jumla vikundi 60 vya kina mama na vijana kutoka kila kata jumla ya 121,121,300/= ambapo vikundi arobaini (40) ni kina mama na vikundi ishirini (20) ni vijana.

Mkurugenzi wa halmashauri ya Mji wa Mafinga Saada Mwaruka alisema jana kuwa katika kuendelea kutekeleza maagizo mbalimbali ya Serikali halmashauri ya Mji wa Mafinga imeweza kukopesha jumla vikundi 60 vya kina mama na vijana kwa kipindi cha mwezi mmoja.

Alisema kuwa Halmshauri ya Mji wa Mafinga ilianza kutoa mkopo wa 50,500,000/= kwa vikundi arobaini vya kina mama na 25,500,000/= kwa vikundi ishirini vya vijana na mara baada ya vikundi vyote kufanya marejesho vizuri na kupata faida ya kupata faida fedha taslimu 31,121,300/= na kufikia 107, 121,300/=.

Mwaruka alisema Halmashauri ya Mji Mafinga imeongeza tena jumla ya fedha 14, 000,000/= na hivyo kufanya jumla kuu ya mikopo yote iliyotolewa kufikia 121,121,300/=.

Halmashauri ya Mji Mafinga ni moja kati ya Halmshauri zilizopo mkoa wa Iringa,halmashauri ina jumla ya kata tisa (9) na mitaa thalathini.

Katika kuendelea kutekeleza maagizo mbalimbali ya Serikali halmashauri ya Mji wa Mafinga imeweza kukopesha jumla vikundi 60 vya kina mama na vijana kutoka kila kata jumla ya 121,121,300/= kwa kipindi cha mwezi mmoja ambapo vikundi arobaini (40) ni kina mama na vikundi ishirini (20) ni vijana.

Katika hatua nyingine Mkurugenzi wa halmashauri ya Mji wa Mafinga Bi.Saada Mwaruka amesema halmashauri inatarajia tena kutoa mkopo wa awamu ya pili wakati wowote kuanzi a sasa.

KESI YA MEYA WA MANISPAA YAPINGWA KALENDA TENA

Meya wa Maanispaa ya Iringa Alex Kimbe (mbele) akiwa katika Mahakama ya Hakimu Mkazi Wilaya ya Iringa leo kusikiliza kesi inayomkabali ya kukutwa na risasi nyingi kinyume cha sheria pamoja na kumtishia Alfonce Patrick kwa bastola kinyume na sheria kifungu cha 89 (2) (a) cha Kanuni ya adhabu, ambapo kesi hiyo imeahirishwa hadi 13/02/2018. (Picha na Friday Simbaya)

MAKAMU WA RAIS KUFANYA ZIARA YA SIKU TANO MKOANI IRINGA

MAKAMU wa Rais wa Jamhuri ya Muungano wa Tanzania, Mama Samia Suluhu Hassan anatarajia kufanya ziara ya kikazi katika Mkoa wa Iringa kesho Ijumaa, ambapo atatembelea wilaya za Iringa, kilolo na Mufindi. 

Akizungumza na waandishi wa habari leo ofisini kwake Mkuu wa Mkoa wa Iringa, Amina Masenza alisema ziara hiyo ya siku tano (5) itaanza kesho tarehe 09/02/2019 hadi tarehe 13/02/2018. 

Alisema kuwa katika ziara hiyo, Makamu wa Rais anatarajia kukagua shughuli mbalimbali za maendeleo zinazotekelezwa mkoani hapa na serikali pamoja na sekta binafsi, na kufanya mikutano ya hadhara. 

Masenza alisema kuwa makamu wa rais atafungua wodi katika zahanati ya Kijiji cha Kising’a wilayani Iringa, kukagua upanuzi wa kiwanda cha Ivori kilichopo manispaa ya Iringa na kiwanda cha kufungashaji mazao ya mbogamboga. 

Aidha, makamu wa rais atazindua jengo la utawala katika shule ya sekondari Kilolo, kuweka jiwe la msingi kwenye maabara ya shule ya sekondari Mgololo, kufugua zahanati ya Mtili na atakagua kiwanda cha utengenezaji mkaa Mafinga. 

Kwa mujibu wa mkuu wa mkoa tarehe 12/02/2018, makamu wa rais akiwa mkoani Iringa atazindua mradi wa kuendeleza utalii ukanda wa kusini (REGROW) ambapo mkoa wa Iringa ni kitovu cha Utalii. 

Alisema uzinduzi huo utafanyika eneo la Kihesa Kilolo na baadaye kufanya mkutano wa hadhara katika Uwanja wa Mwembetogwa katika Manispaa ya Iringa.