Na
Friday Simbaya, Songea
Wakati
Shule ya St. Francis Girls ya Mbeya ikishika nafasi ya kwanza kitaifa, nayo
Shule ya Peramiho Girls ya Ruvuma imeibuka kidedea kwa kushika nafasi ya kwanza
kimkoa pia katika matokeo ya kidato cha nne 2013, imefahamika.
Katika
uchunguzi waliofanya na MWANDISHI WA MWENGE, ulimebaini kuwa Shule ya Wasichana
Peramiho ya wilayani Songea vijijini, mkoani Ruvuma imeshika nafasi ya kwanza
kimkoa kati jumla ya shule 113 na kushika nafasi 21 kitaifa kati jumla ya 3256
nchini.
Akizungumza
na Mkuu wa Shule, Bi. Lucida Msabila alisema kwamba alikuwa na uhakika wa shule
yake kufanya vizuri kutoka na maandalizi mazuri waliopata wanafunzi wa shule
hiyo katika masomo.
Akielezea
siri ya mafankio hayo Msabila alisema shule yake ilifanya vizuri kutokana
ushirikiano mzuri ulipo kati ya wanafunzi, walimu na wazazi, ambapo mwaka 2012 lifanikiwa kushika nafasi ya pili kimkoa.
“Siri
ya mafanikio nikujipanga tu kutoka mwanzo pamoja na kuwa na mpango kazi kwa
kuhakikisha Walimu wanafundishia masomo na kama Mwalimu hakumalizi masomo ni
lazima afundishe muda wa wikiendi ili kufidia vipindi walivyoruka..” alisema
Msabila.
Alisema
kuwa mwaka jana shule hiyo ilishika nafasi ya pili kimkoa lakini kitaifa
matokeo ya kidato cha nne yalikuwa mabovu, na kuongeza kuwa katika matokeo ya
kidato cha nne mwaka huu hakuna mwanafunzi aliyepata sifuri na daraja nne
lakini kuna mwanafunzi moja tu aliyepata daraja la tatu.
Shule
ya Wasichana ya Peramiho pamoja na mafankio pia zipo changamoto kama vile
upungufu wa vitabu vya uraia, historia, jeografia na fizikia pamoja na utitiri
wa vitabu ambayo unawapashida kipi kutumike.
“Changamoto
nyingine ni wanafunzi wengi hawapo tayari kusomo kwa hivyo kama uongozi wa
shule tunalazimika kuwasimamia kwa ukaribu…” alielezea Msabila.
Shule
hiyo ya Peramiho girls ambayo inamilikiwa na masista wa Mtakatifu Scholastica
(Missionary Benedictine Sisters of Tutzing) ilianza mwaka 1968, na Lucida Msabila ni
mwalimu mkuu wa 13 tangu 2004 mpaka sasa.
Hata
hivyo mkuu huyo
aliponda mfumo mpya wa upangaji matokeo kuwa hautaonesha
uhalisia ya mwanafunzi kufanya vizuri ukizingatia kwamba tupo katika jumuiya ya
Afrika mashariki na hawata himili ushindani wa soko la ajira la kimataifa hapo
baadae.
Shule
hiyo imetoa viongozi wengi wa kitaifa wakiwemo spika wa bunge wa sasa Anna
Makinda na naibu Waziri wa elimu wa sasa Jenister Mhagama.
Hivi
karibuni Baraza la Mitihani la Taifa (Necta), lilitangaza matokeo ya mtihani wa
taifa wa kidato cha nne 2013, huku ufaulu ukiongezeka kwa asilimia 15.17. Matokeo
hayo ni ya kwanza kutumika kwa mfumo mpya ambao umepanua wigo wa alama na
madaraja, hivyo kutoa nafasi zaidi kwa watahiniwa kufaulu.
Akitangaza
matokeo hayo jijini Da er Salaam Kaimu Katibu Mtendaji, Dk. Charles Msonde
alisema waliofaulu mtihani ni 235,227 sawa na asilimia 58.25 ya 404,083 ya
waliofanya mtihani huo, ukilinganisha na 185,940 mwaka 2012, sawa na asiliamia
43.08.
Dk.
Msonde alisema matokea haya yalipangwa kwa kutumia alama zilizotangazwa na Katibu
Mkuu wa Wizara ya Elimu na Mafunzo ya Ufundi, Profesa Sifuni Mchome mwaka jana.
Alama
hizo ni A: 75-100, B+: 60-74, B: 50-59, C: 40-49, D: 30-39, E: 20-29 na F:
0-19. Kabla ya mabadiliko hayo, alama zilizokuwa zinatumika kupanga matokeo ya
kidato cha nne ni A: 80-100, B: 65-79, C: 50-64, D: 35-49 na F: 0-34.
Dk.
Msonde alisema wasichana waliofaulu ni 90,064 sawa na asilimia 55.49 na
wavulana ni 111,088 sawa na asilimia 58.45.
Mwisho
Mkuu wa Shule Sekondari ya Wasichana Peramiho Lucida Msabila.
