CHADEMA IRINGA YALITEGA JESHI LA POLISI

Mchungaji Peter Msigwa

Akiwa na Makamu Mwenyekiti Bavicha, Patrick Ole Sosopi

Sehemu ya watu waliojitokeza katika mkutano huo

Wakionesha ishara ya chama chao

CHAMA cha Demokrasia na Maendeleo (Chadema) kimelitaka jeshi la Polisi kudhibiti misafara mirefu ya magari na pikipiki, na aina yoyote ya maandamano yatakayopangwa na Chama cha Mapinduzi (CCM) Mkoa wa Iringa wakati wa mapokezi ya katibu wake mkuu, Abdulahman Kinana.

Oktoba 6-11, mwaka huu Kinana atakayeambatana na Katibu Itikadi na Uenezi wa chama hicho Nnape Nauye anatarajia kufanya ziara ya kukijenga chama hicho na kukagua utekelezaji wa Ilani ya CCM katika wilaya zote za mkoa wa Iringa.

Ombi hilo limekuja baada ya jana Jeshi la Polisi kuwadhibiti wafuasi wa chama hicho wa mjini Iringa kumlaki kwa maandamano ya magari na pikipiki, Mwenyekiti wa Baraza la Vijana la Chadema (BAVICHA) jimbo la Isimani, Patrick Ole Sosopi ambaye hivi karibuni amechaguliwa kuwa Makamu Mwenyekiti wa Taifa wa Bavicha.

Sosopi aliyekuwa na Mchungaji Peter Msigwa wakitokea jijini Dar es Salaam kulikofanyika chaguzi mbalimbali za kitaifa za chama hicho, walipokelewa katika eneo la Igumbilo na viongozi wachache wa chama hicho baada ya Polisi kudaiwa kuwazuia wafuasi wao kuwapokea kwa misafara ya magari, bodaboda na maandamano.

“Tumetii maelekezo ya Polisi, vijana wetu wa bodaboda wamezuiwa kutupokea; ili haki itendekea tunataka Kinana na timu yake watakapoingia mjini Iringa, misafara yao isiwe na maandamano ya watu, pikipiki wala magari,” alisema Mchungaji Msigwa katika mkutano wao mkubwa uliofanyika katika kata ya Kihesa mjini Iringa.

Mchungaji Msigwa alisema watashangaa na kuchukua hatua endapo Polisi itairuhusu CCM kuwa na maandamano na misafara ya magari na pikipiki.

Naye Mwenyekiti wa Chadema wa Jimbo la Iringa Mjini, Frank Nyalusi alisema; “Kinana atakuwa mjini Iringa Oktoba 11, tukiona bodaboda wa CCM wako katika msafara wake nasi tutaingia barabarani tukiwa na wafuasi wetu madereva wa bodaboda na kufanya maandamano yasio na kibali.”

Makamu Mwenyekiti wa Bavicha Ole Sosopi alisema; “mimi ni kiongozi wa kitaifa, niliongea na Kamanda wa Polisi wa Mkoa wa Iringa kuhusu ujio wangu Iringa na mipango ya wafuasi wa Chadema kunipokea kwa shamrashamra. Nashangaa amekataa.”

Alisema kuyazuia maandamano ya Chadema na kuruhusu ya CCM kutadhihirisha jinsi Polisi wanavyokibeba chama hicho tawala.

Alisema wakati wakijiandaa kuchukua Dola wanataka kuona wanashindana katika uwanja sawa wa kisiasa kwahiyo hawatakubali kuona jashi la Polisi linaruhusu maandamano katika misafara ya Kinana wakati kwao linakataa. (Crediti to Bongeleaks)

Itaendelea……………………………..1