mwanamke aiba mtoto

JESHI la polisi mkoani Rukwa linamshikilia mwanamke mmoja aitwaye Magreth Juma (34)mkazi wa mtaa wa chanji katika manispaa ya sumbawanga kwa tuhuma za wizi wa mtoto mchanga mwenye umri wa siku mbili.

Mtuhumiwa huyo alikamatwa asubuhi ya October 22 juzi nyumbani kwake maeneo ya chanji akiwa na mtoto huyo mwenye jinsia ya kike aikiwa ni muda mfupi tangu mtoto aibiwe toka kwa mama mzazi huko bangwe umbali wa takribani kilomita 15.

Inadaiwa kuwa awali taarifa zilifikishwa kituo cha polisi sumbawanga majira ya alfajili na mama wa mtoto huyo  Magreth Benisia (28)kuwa mtoto wake mchanga amepotea katika mazingira ya kutatanisha akiwa nyumbani kwake ndipo polisi walianza msako mkali kwa kushirikiana na raia wema na muda mfupi baadaye waliweza kumkamata mtuhumiwa huyo akiwa na mtoto nyumbani kwake.

Baada ya kukamatwa kwa mtuhumiwa katika maelezo yake ilibainika kuwa mama wa mtoto aliyeibiwa na ndugu wa mtuhumiwa waliwahi kuishi nyumba moja ya kupanga hivyo kupelekea mtuhumiwa kumfahamu vizuri mama huyo wa mtoto na hivyo kuwa rahisi kwake kutenda kosa hilo.

Uchunguzi ulibainisha kuwa mtuhumiwa huyo ambaye ni mama wa watoto watatu aliozaa na mume wake mwingine mbali na Yule anayeishi naye sas,ameweza kuishi na mume wake wa sasa kwa zaidi ya miaka miwili bila kupata mtoto mwingine hali iliyoanza kuhatarisha ndoa yake kwani mwanaume huyo amekuwa akitaka kupata mtoto na ndo maana mama huyo aliamua kuiba mtoto katika harakati za kuilinda ndoa yake.