ZAIDI ya walinzi 60 wa Kampuni ya Kiwango Security Guards Ltd wagoma tena...!

Katibu Mkuu wa TUPSE, Edison Kivelege akiongea na waandishi wa habari ofisini kwake leo. (PICHA NA FRIDAY SIMBAYA)

Baadhi wa walinzi wakiwa mabegi ofisini kwa TUPSE

ZAIDI ya walinzi 60 wa Kampuni ya Kiwango Security Guards Ltd kanda ya Iringa kwa mara nyingine wamegoma kuendelea na kazi ya kulinda minara ya Vodacom/Tigo wakidai mishahara ya miezi mitatu.

Walinzi hao kutoka sehemu mbalimbali ya mkoa wa Iringa wakiongea na SIMBAYABLOG leo kwa machungu katika ofisi za Chama cha Wafanyakazi Walinzi Binafsi Tanzania (TUPSE), Kanda Nyanda za juu Kusini zilizopo mjini Iringa, walisema kuwa wana muomba Rais Jakaya Kikwete aingilie kati katika mgogoro wa mwajiri wao ili awalipe mishahara yao ya miezi mitatu wanayomdai.

"Mwajiri huyo ni wa kampuni ya ulinzi ya kiwango kutoka jijini Dar es salaam hajatulipa mishahara yetu, kwa kweli hali ni nguu kweli sasa sisi tunafanya kazi kama nyuki tunatumikishwa na hadi sasa tuna miezi mitatu na zaidi hatujalipwa na hatujui familia zetu zinaishi vipi huko nyuma, hivyo tunamuomba rais aingilie kati suala hili ilituwezekulipwa mishahara yetu.'walisema.

Mzee Ismaili Mpenge (68) ambaye analinda mnara wa Vodacom kadeti uliopo kijiji cha Nyang'oro katika jimbo la isimani Iringa alisema kampuni hiyo haijamlipa mishahara ya miezi miwili tangu aanze kazi Julai nne mwaka huu.

Alisema kuwa tangu jana afike mjini iringa kutoka kijijini kwake hajala na nauli yakufika mjini amekopa na kuongeza kuwa hapa mjini hana ndugu na kuomba wasamaria wema wamsaidie sehemu ya kulala anaposubiria malipo.

"Nimetoka katika kijiji cha Nyang'oro tangu jana na sijui hatma na isitoshe tuna watoto wanasoma na mpaka sasa hatujui familia zetu zinakula nini mpaka sasa ... kwa kweli maisha yetu walinzi ni magumu," alisema.

Naye Isaya Mdabagi mlinzi wa mnara wa migori alisema kuwa kwa miezi miwili hatujalipwa mishahara ukizingatia tuna familia tulizoziacha huku nyumbani bila chochote.

Mwajiri aliahidi kulipa mshahara wa mwezi moja na sio mshahara wote kama makubaliano yetu ya kulipwa laki na ishirini lakini amesema kuwa watalipwa shilingi elfu themanini .

Hata hivyo, kuna baadhi ya walinzi ambao waliokosa hela  ya kulala gesti waliamua kulala ofisiza TUPSE kwa kukosa ndugu hapa mjini.

Kwa Upande wake Katibu Mkuu wa TUPSE, Edison Kivelege aliongeza kuwa Iringa ina jumla ya makampuni ya ulinzi binafsi 36 nyingi zikitoka nje ya mkoa, lakini pamoja na hayo kampuni zenye ofisi azizidi kumi (10) na kusababisha kukosa mawasiliano.

Alisema kuwa chama kinapotaka kuwasiliana na wanachama wake kinapata shida ya kuonana na viongozi kwa ajili yakutatua kero za wanachama kwa sababu ofisi nyingi za waajiri zipo Mbeya, Morogoro na Dar es Salaam.

Alisema kuwa kampuni nyingi hapa Iringa zinafanyakazi za udalali kwa sababu hiyo kampuni hizo zinakuwa zinawaajiri walinzi wasiokidhi vigezo ambao wanakuwa na uweledi mdogo kuhusiana na masuala ya ulinzi na wengine kuajiriwa bila mikataba maalum.

Katibu Mkuu wa TUPSE huyo aliwaasa walinzi kuacha tabia ya kuhamahama makampuni kwa sababu wanajisababishia kupoteza mafao na uaminifu na kuwahimiza wajisajili na chama hicho ili washiriki katika mabaraza ya majadiliano na waajiri.