MBUNGE AHIDI KUTOA MAJI YA KUNYWA MJI MZIMA KWA WANANCHI WAKAYEJITOKEZA KUJIANDKISHA...!

Mbunge wa Jimbo la Iringa mjini Mch. Peter Msigwa (Chadema) hayupo pichani akihutubia wakazi wa Kihesa jana katika mkutano wa hadhara katika viwanja vya kihesa sokoni. (PICHA NA FRIDAY SIMBAYA)

Mbunge wa Jimbo la Iringa mjini Mch. Peter Msigwa (Chadema) ameahidi kutoa maji  ya kunywa mji mzima kwa wananchi endapo litatokea jua kali  wakati wa kujiandikisha katika daftari la mpigakura litakapofika Manispaa ya Iringa.

Alisema kuwa ofisi ya mbunge ipo tayari kutoa  maji ya kunywa kwa mji mzima kwa wananchi watakaojitokeza kujiandikisha katika daftari la mpigakura wakiwa katika foleni , wakati wakujiandikisha pindi daftari litakapo wasili Manispaa ya Iringa.

Mch. Msigwa aliyasema hayo jana wakati wa mkutano wa hadhara uliyofanyika katika viwanja vya Kihesa sokoni wa kuzindua ziara ya siku kumi na nane (18) ya baraza la vijana chadema (BAVICHA) mjini Iringa yakupita kila kata kuhamasisha vijana kujiunga na chama hicho pamoja na kupata vijana 200 watakaojiunga Red Bridged.

 Alisema kuwa vijana hao 200 kila kata watakaojiunga katika vikundi vya ulinzi na usalama wa chama hicho watapatiwa mafunzo yaukakamavu kwa ajili ya afya na hamasa kwa lengo la kulinda viongozi wa chama pamoja na mali zake.

Alisema kuwa kuna watu wanadai kwamba vikundi vya vijana vya ulinzi na usalama yaani ‘red brigade’ vipo kwa ajili yakufanya ugaidi kama baadhi ya watu wanavyodai, kumbe vikundi hivyo kwa ajili ya ulinzi wa viongozi wa chama pamoja na kulinda kura zisiibiwe wakati wa uchaguzi mkuu mwaka huu.

Alisema kuwa lengo ya ziara hiyo BAVICHA nikupata vijana 3,600 wakujitolea watakaojiunga na red brigade kwa ajili kupewa mafunzo ya ukakamavu kwa lengo ya kuwapatia afya na hamasa.

Aliongeza kuwa lengo lingine ya ziara ni pamoja na kuhamasisha watu wajiunge na chama ili kujenga chama na wajitokeze kwa wingi wakati daftari la mpigakura litakapofika Manispaa ya Iringa.

Alisema kuwa kama watu wanataka kuiondoa serikali ya CCM madarakani basi, hawanabudi kujitokeza kwa wingi kujiandisha katika daftari la kudumu la mpigakura litakapo wasili mkoani Iringa, kwa sababu bila kuwa na kadi ya mpigakura hawataruhusiwa kupiga kura.

Pia, Mch. Msigwa alitumia nafasi hiyo kuwashukuru wananchi wa mji wa Makambako, mkoani Njombe kwa kuonyesha mfano mzuri kwa kujiandikisha kwa wingi ambapo walivuka lengo la tume ya uchaguzi (NEC) la kuta kuandikisha wapiga kura 32,000 na badala yake walijiandikishwa  wapigakura 47,000.

“Wananchi wa kule Makambako wamenifurahisha sana kwa kujitokeza kwa wingi na kujiandikisha kwa fujo, hii inaonesha jinsi gani watu walivyokuwa na mwamko mkubwa wakutaka mabadiliko,” alisema Mch. Msigwa.

Alisema kuwa hivi sasa moto wa UKAWA ni mkubwa sana wakutaka kukiondoa Chama Cha Mapinduzi (CCM) madarakani.

Aliongeza kuwa watu wanatakiwa kujitokeza kujiandikisha ili kuweza kuipatia Chadema halmashauri ya Manispaa ya Iringa kwa kuwapigia kura viongozi wa Chadema watakaosimamishwa kugombea viti vya udiwani wakati Uchaguzi Mkuu Oktoba mwaka huu.

Alisema kuwa kuipatia Chadema halmashauri itakuwa na uwezo wa kubadilisha taswira ya Manispaa ya Iringa kuliko ilivyo sasa kwa kuwa  itakuwa na mahusiano na miji mingine nje ya nchi kwa ajili kubadilishana uzoefu.

Kwa upande wa utalii, alisema kuwa sekta ya utalii nchini haijaboreshwa na kuwekewa miundombinu mizuri kuweza kukuza uchumi na kuaajiri watu wengi zaidi kupitia shughuli za kitalii.

Alitoa mfano wa Uwanja wa Ndege wa Nduli uliopo mjini Iringa kuwa kuboreshwa vizuri ndege kubwa zitatua na kuleta watalii wengi zaidi kutembelea vivutio ambavyo vipo mkoani hapa na hatimaye kukuza utalii ukanda wa kusini (southern circuit).

Alisema kuwa idadi ya watalii ikiwa kubwa hapa watanunua vinyago kwa wauza vinyago, watalala katika mahoteli, madereva taxi nao watafanya biashara ya kusafirisha watalii kwenda maeneo mbalimbali ya mkoa kuangalia vivutio vya utalii na hatimaye mzunguko wa pesa utakuwa mkubwa.

alisema kuwa mzunguko wa pesa ukiwa mkubwa watu watafanya biashara hata yule muuza mboga atanufaika pia na hatimaye kuboresha maisha yao.

Alisema kwa sasa Tanzania haina hoteli nyingi za nyota tano (Five Star hotels) kwa mfano, wakifika watalii 500 hakuna mahali watakapolala kwa kukosa hoteli zenye hadhi hiyo, hivyo tunahitaji ujenzi wa hoteli nyingi zenye hadhi.

Kwa upande wake, Mwenyekiti wa BAVICHA mjini Iringa, Leonce Marto alisema kuwa lengo ya ziara katika ujenzi wa chama pamoja na kuunda mabaraza ya vijana kila kata kwa ajili ya hamasa.

Alisema kuwa wanahitaji vijana 3,600 kutoka katika kata 18 za Manispaa ya Iringa,kila kata wapatikane vjiana 200 ambao watapatiwa mafunzo ya ukakamavu kwa ajili ya afya na hamasa.

 Alisema kuwa kazi nyingine ya ziara ni kuhamasisha watu vijana kwa wazee  wajitokeze kujiandikisha katika daftari la kudumu la mpigakura ili kuwaandaa kisaikolojia pindi daftari litakapofika Manispaa ya Iringa.

Alisema kuwa katika ziara hiyo watahamasisha vijana waliofikisha umri wa miaka 18 na kuendelea kujiaandikisha katika daftari ya mpigakura wakiwemo kina mama kwa sababu wao ni kiini cha mabadiliko.