BREAKING: Mchungaji Christopher Mtikila wa DP amefariki

Mchungaji Mtikila Enzi za uhai wake

Gari aliyopata nayo ajali Mch.Christopher Mtikila 

 

Mwanasiasa maarufu nchini Tanzania mwenyekiti wa chama cha DP Mchungaji Christopher Mtikila amefariki dunia kwa ajali ya Gari leo Majira ya saa 10 alfajiri akitokea mkoani kwake Njombe katika kampeni .

Taarifa zilizothibitishwa na mgombea Ubunge jimbo la Iringa Mjini na mwenyekiti wa DP Mkoa Robart Kisinini wakati akizungumza na SIMBAYA BLOG amesema ni kweli mwenyekiti wake huyo Taifa amefariki dunia.

Taarifa zilizotufikia kupitia kwa kamanda wa Polisi Pwani Jafari Mohamed amethibitisha kutokea kwa ajali hiyo na alifarika saa 12 kasorobo katika kijiji cha Msolwa, Chalinze akiwa kwenye gari ndogo huku wenzake watatu wakijeruhiwa vibaya. 

 

Ajali hiyo imetokea eneo la Msolwa mkoani Pwani huku Kamanda wa Polisi wa Mkoa wa Pwani akithibitisha kutokea kwa ajali hiyo.

Mtikila alitangaza kugombea Urais kupitia chama chake cha DP lakini chama chake ni moja ya vyama ambavyo vilikatwa na NEC kutokana na kutotimiza baadhi ya masharti na vigezo vilivyomo kwenye fomu ya Mgombea Urais.