TANZIA: SAMWEL SITTA AFARIKI DUNIA

Tunasikitika kuwataarifu kuwa mzee wetu mpendwa Samwel Sitta amefariki dunia Hospitali Ujerumani saa 7:50 muda wa Ujerumani.

Samuel John Sitta alizaliwa Desemba 18, 1942 huko wilayani Urambo Mkoa wa Tabora. Sitta alisoma Shule ya Msingi Urambo kati ya mwaka 1950 – 1953, kisha alikwenda Wilaya ya Sikonge mwaka 1954 - 1957 na kuendelea na masomo ya “Middle School” katika shule ya “Sikonge Middle School”. Baadaye mwaka 1958 – 1963 alianza masomo ya sekondari Shule ya Wavulana Tabora yaani “Tabora Boys” kidato cha I – IV na cha V – VI.