HABARI KUHUSU UTAMBUZI NA USAJILI WA WAKAZI WA MANISPAA YA IRINGA

Ofisi ya Mkuu wa Mkoa wa Iringa kwa kushirikiana na Mamlaka ya Vitambulisho vya Taifa (NIDA), na Halmashauri ya Manispaa ya Iringa tumeanza zoezi la Kutambua na Kusajili wakazi wa Manispaa ya Iringa.

Zoezi limeanza tarehe 07/06/2017 na linatarajiwa kukamilika tarehe 05/07/2017. Zoezi linaanza saa 1 asubuhi hadi saa 11 Jioni. Zoezi litafanyika katika Vituo vya Usajili vilivyopo katika Kata zote 18 za Manispaa ya Iringa kwa mujibu wa Ratiba ilivyopangwa kila Kata imepangiwa siku 3 za usajili.   

Zoezi za usajili litahusisha wananchi wote raia wa Tanzania wenye umri wa miaka 18 na kuendelea.

Vitu vya Msingi anavyotakiwa kwenda navyo Mwananchi Raia wa Tanzania katika kituo cha usajili ni:-

1.   Nyaraka halisi (original) na vivuli vya kuthibitisha uraia na umri wa Mhusika,

2.   Cheti cha Kuzaliwa,

3.   Pasi ya Kusafiria,

4.   Vyeti vya Elimu ya Msingi na Sekondari,

5.   Leseni ya Udereva,

6.   Kitambulisho cha Bima ya Afya,

7.   Kitambulisho cha Mpiga kura.

Kwa kuwa zoezi hili linahusisha upigaji wa Picha, kwa ajili ya ubora wa picha, Tunaelekeza yafuatayo kwa wananchi:-

· kutovaa nguo Nyeupe, Kijivu, Bluu mpauko, Pinki, nguo zenye kung’aa sana, Jezi, nguo zenye nembo, kofia aina yeyote ama kupaka Hina mikononi.

Matarajio katika Halmashauri ya Manispaa ya Iringa ni kusajili wakazi 130,000 kwa ajili ya Vitambulisho vya Taifa.

Mwananchi jitokeze Usajiliwe ili Upate Kitambulisho cha Taifa kwa Maendeleo yako na Taifa kwa Ujumla

Imetolewa na:

Dennis Gondwe,

Afisa Habari- Ofisi ya Mkuu wa Mkoa

IRINGA8/6/2017 

RATIBA YA USAJILI KATIKA KATA NI KAMA IFUATAVYO:

SN	JINA LA KATA	TAREHE ZA USAJILI
1	KITWIRU	7-9/6/2017
2	RUAHA	7-9/6/2017
3	IGUMBILO	10-12/6/2017
4	MSHINDO	10-12/6/2017
5	KITANZINI	10-12/6/2017
6	MIVINJENI	10-12/6/2017
7	MLANDEGE	13-15/6/2017
8	KWAKILOSA	13-15/6/2017
9	ILALA	13-15/6/2017
10	MWANGATA	18-20/6/2017
11	ISAKALILO	18-20/6/2017
12	MKWAWA	21-23/6/2017
13	MAKORONGONI	24-26/6/2017
14	GANGILONGA	24-26/6/2017
15	KIHESA	27-29/6/2017
16	MTWIVILA	30/6-02/7/2017
17	MKIMBIZI	30/6-02/7/2017
18	NDULI	3-5/7/2017