MWIGULU NCHEMBA AONGOZA JAHAZI KINONDONI...

Viongozi wa CCM wakiwa meza kuu wakati wa kumnadi mgombea wao.

MBUNGE wa Iramba Magharibi, Singida, Mwigulu Nchemba ameongoza jahazi la makada, wanachama na wafuasi wa Chama Cha Mapinduzi (CCM) katika uzinduzi wa kampenzi za uchaguzi mdogo wa ubunge kwa jimbo la Kinondoni.

Katika uzinduzi huo ambao umefanyika katika Viwanja vya Biafra jijini Dar es Salaam, CCM wamemnadi Maulid Mtulia na kuwaomba wananchi wa Kinondoni wampe kura za kutosha ili aweze kuwawakilisha vilivyo bungeni ikiwa ni pamoja na kutatua kero zao, kushirikiana na serikali katika kuleta miondombinu ya maendeleo kwa jimbo hilo.

“Msije mkaenda kupiga kura ya uchaguzi mdogo kwa kiwango kidogo, mkapige kura kwa kiwango cha uchaguzi mkuu, kila mmoja akawe kampeni meneja wa mgombea wetu, aje na wapiga kura siku ya kupiga kura.

“Sababu zote za msingi za ushindi tunazo sisi, wao wamebaki na neno moja tu kwamba ameama kwa nini?” alisema Mwgulu wakati akiwasihi wananchi kumpigia kura Mtulia.