ZAWADI YA MKESHA WA NOELI

Muuguzi wa Zamu wa St. Joseph's Mission Hospital Peramiho akiwa anawaangalia watoto ambao walizaliwa kabla ya umri yaani 'Premature babies' katika Chumba cha Joto 'Premature Unit or Incubator Room' Jumamosi kuangalia kama wanaendelea vizuri lakini hawakuzaliwa kwenye Mkesha wa Krismasi wako wanne.

Baadhi ya kina mama waliojifungua wakiwa wamepakata watoto wao katika Mkesha wa Krismasi katika  Hospitali ya Mtakatifu Joseph Peramiho Songea Vijijini, Mkoa wa Ruvuma.


Na Friday Simbaya,



Peramiho


JUMLA ya watoto 13 wamezaliwa, wakiwemo wakike tisa na wakiume wanne katika Hospitali ya Mission ya Mtakatifu Joseph Peramiho mkoani Ruvuma katika Mkesha wa Noeli (Krismasi) usiku wa kuamkia LEO.


Akiongea na BLOG HII, Muuguzi wa Zamu (Nursing Office in charge), Bi. Sirah Nchimbi alisema kwamba watoto wote walizaliwa kwa njia ya kawaida isipokuwa watoto watatu ndiyo waliozaliwa kwa njia ya upasuaji (surgical operation) lakini hali zao zinaendelea vizuri pamoja na mama zao.


“Watoto hao walizaliwa na uzito wa kawaida, hali zao zinaendelea vizuri sana pamoja mama zao. Wakina mama wengine wameruhusiwa baada ya kujifungua lakini wamebaki wale walioji fungua kwa opresheni ambao wako katika uangalizi maalumu,” alisema muunguzi wa zamu.


Aidha, alisema kuwa yapo matatizo wanayokubiliana nayo kama vile kina mama kutofika mapema hospitalini pindi wapatapo uchungu wa uzazi kunako sababisha wengi wao kinamama kujifungulia njiani kabla ya kufika hosptali na wengi wao hujifungua watoto waliokufa katokana na kuchelewa kufika hospitali mapema.


Tatizo jingine ni kwamba wa kinamama walio wengi maeneo haya hutumia dawa ya mitishamba kuongeza uchungu wa kujifungua kabla ya kuletwa hospitali, matokeo yake wengi wao kina mama wanashindwa kujifungua kwa njia ya kawaida (normal delivery) au hujifungua watoto waliokufa kutokana na dawa hizo wanazozitumia.


“Yaani ni tatizo kubwa sana kwa kina mama wanaokuja kujifungua hapa kutokana kutumia dawa za kienyeji za uchungu lakini huwatunawapa elimu wanapofika na kuwapa ushauri wakina mama wajawazito waweze kufika hospitalini mapema na kuacha kutumia dawa hizo za kuongeza uchungu, ambapo mara nyingi hutiwa kwenye chain a uji,” alisema muunguzi huyo wa zamu.


Lakini pamoja na hayo, hakuweza kuelezea ni dawa ya aina gani mara nyingi wa kina mama hao hutumia kama dawa ya kuongeza uchungu, na kuongeza kuwa wanatumia mizizi Fulani Fulani ambayo hakutaja aina gani ya mizizi hiyo.


Mwisho