WENYEVITI NA WAJUMBE WA KAMATI SERIKALI ZA MITAA WAAPISHWA...!

Wakili wa kujitegemea Charles Paul Lawisso akiwaapisha wenyeviti na wajumbe kamati za mitaa manispaa ya iringa katika ukumbi wa orofea.

 Kaimu  mkurugenzi wa manispaa ya iringa Augustno Nyenza

wajumbe wakisaidiana kujaza fomu za kiapo ndani ya ukumbi

WENYEVITI wa serikali za mitaa walichaguliwa hivi karibuni katika uchaguzi wa serikali za mitaa katika manispaa ya iringa wameapishwa jana kwa kupewa onyo kali na wakili wa kujitegemea Charles Pau Lawisso kwamba atakayeenda kinyume atachukuliwa hatua kali za kisheria.

 Lawisso ambae ni wakili wa kujitegemea alitoa onyo hilo wakati wenyeviti hao    wakiapishwa mjini iringa.

  “Wapo viongozi watakaosema sera ya chama chetu hairuhusu wananchi kuchangia miradi ya maendeleo na ama wapo watakaozuia michango kwa lengo la kulinda na kutetea wapiga kura wao…kitendo hicho kitakiwa kinakwenda kinyume na sheria za nchi na hivyo ukibainika hatua zitachukuliwa dhidi yako.”alisema lawisso.

 Aliongeza kuwa kazi za wenyeviti hao kuwa ni pamoja na kufuatilia miradi ya maendeleo katika mtaa husika na kutekeleza maagizo kutoka ngazi za juu yaani kata na Manispaa.

Lawisso wakati akitoa onyo hilo limekuja sera ya chadema kwenye uchaguzi wa serikali za mitaa ikiwa ni kuhakikisha inazuia michango isiyoyalazima kwa wananchi wake, kutochangisha michango kwa ajili ya huduma za kijamii ikiwamo utoaji wa barua za dhamana na mikopo kutoka katikataasisi mbalimbali.

Pia alitaja kazi za wenyeviti hao kuwa pamoja na kufuatilia na kusimamia miradi ya maendeleo watakuwa na jukumu la kusuluhisha migogoro inayotokea katika mitaa yao ambayo maamuzi yake hayahitaji kufika ngazi za juu.

Nae kaimu  mkurugenzi wa manispaa ya iringa Augustno Nyenza alisema kuanzia sasa wenyeviti na wajumbe waliochaguliwa na viongozi wa serikali watakaosaidia na ofisi yake kutekeleza masuala ya serikali ya Jamuhuri ya Muungano wa Tanzania.

“Leo mmeapa kulitumikia taifa na wananchi kwa ujumla na baada ya kiapo hiki mnapaswa kutambua kuwa kazi mmeanza rasmi na leo hii mmekuwa viongozi wa kamili wa serikali ya Jamuhuri ya Muungano wa Tanzania,mtafanya kazi zenu kwa kushirikiana na watendaji wa serikali za mitaa,kata na Halimashauri ya manispaa katika utekelezaji wa majukumu yake ya kila siku”alisema Nyenza.

Katika uchaguzi huo uliofanyika hivi karibuni jumla ya wenyeviti 192 wa manispaa ya iringa na wajumbe 960 walitarajia kula kiapo cha utii kwa ajili ya kuanza utekelezaji wa shughuli za kiserikali katika mitaa yao.

Uchaguzi huo uliofanyika ni kwamba jumla ya 192 huku chama cha mapinduzi CCM kikijinyakulia viti 126 na chadema 64 na CUF viti viwili.