PINDA : TUTAUNGANISHA NGUVU KWA MGOMBEA URAIS ATAKAYE TEULIWA NA CHAMA!

Waziri Mkuu Mizengo Pinda akimsikiliza mwanafunzi wa shule ya sekondari Kiwere akifanya vitu vyake kwa kushirikiana wanafunzi wenzake katika maabara ya kemstri  alipotembelea shule hiyo kwa ajili ya kukagua miradi mbalimbali inayotekelezwa shuleni. Pinda leo alikagua ujenzi wa maabara na kufungua nyumba nne za walimu wa shule

hiyo zenye uwezo wa kubeba familia nane, halmashauri ya wilaya ya iringa katika jimbo la kalenga. 

Waziri Mkuu Mizengo Pinda akikagua mradi wa umwagiliaji pamoja na mashamba ya wakulima wa mpunga wa kijiji cha magozi, halmashauri ya wilaya iringa jimbo la isimani, akifuatana na  mkuu wa mkoa wa iringa amina masenza akifuatia na kaimu mkuu wa wilaya ya iringa Gerald Guninita ambaye pia ni DC wa kilolo.

Waziri Mkuu Mizengo Pinda amewataka watanzania hasa wana chama wa chama cha mapinduzi ( CCM)kuwa na subira katika kumpata mwanachama atakayefaa kusimama kugombea urais kupitia CCM mwaka huu.

“Kuwa tayari wengi sana wamejitangaza wazi wazi na wengine wamejitangaza kimya kimya kutaka kugombea Urais na kuwa yote heri ila chama kina utaratibu wake. Itafika wakati ambao kila chama kitasema huyu ndie mtu wetu ambaye atapambanana vyama vingine ...tunachosema sisi huyo atakayependekezwa ndie atakuwa mgombea wetu,"alisema Waziri Pinda Waziri

Pinda alitoa kauli hiyo jana wakati akiwahutubia wakazi wa tarafa ya Pawaga baada ya kuzindua skimu ya umwagiliji itakayowanufaisha wakazi wa vijiji vitatu kikiwemo cha Magozi,Ilolompya na Mkombilenga uliogharimu zaidi ya Tsh bilioni 1.6 fedha kutoka kwa wahisani na serikali.

Alisema kuwa utaratibu wa ndani ya chama ambacho wao ni watawala na wanaoendelea kuyafanya maendeleo yanaonekana watalazimika kumuunga mkono atakayeteuliwa na wale wote ambao hawajateuliwa watamuunga mkono atakayeteuliwa kwa makundi yote kuvunjwa na kuwa na Kundi moja pekee.

 Baada ya mgombea wa chama tawala kupatikana jukumu kubwa ni kuwaomba wapenzi wao wote kumchagua huyo aliyeteuliwa na chama.

Hivyo Waziri Pinda aliwataka wananchi kote nchini kujitokeza kwa wingi kujiandikisha kwenye daftari la kudumu la wapiga Kura.

Alisema kuwa zoezi hilo ambalo litawahusu wale wote wenye miaka kuanzia 18 na kuendelea linataraji kuanza mwezi huu katika Mkoa wa Njombe na kuwa kila kata zoezi hilo litadumu kwa muda wa wiki mbili ama tatu .

" Nawaombeni kujitokeza kwa wingi kujiandikisha na pia kuipigia kura katiba inayopendekezwa muda ukifika sisi tunaamini ni katiba bora ambayo imegusa makundi yote yakiwemo ya wafugaji na wakulima pamoja na makundi mengine," alisema Pinda.

Kuwa wapo wapotoshaji ambao watafika na kuwadanganya juu ya katiba hiyo inayopendekezwa na wasiwasikilize na kuongeza kuwa kazi kubwa imefanyika katika kuandaa katiba hiyo inayopendekezwa mbali ya wao (UKAWA) kutoka nje wakati wa bunge hilo la katiba lakini wajumbe waliobaki walifanya kazi nzuri ya kuandaa katiba hiyo inayopendekezwa hivyo kuwaomba wananchi kuipigia kura.

Katika hatua nyingine Waziri mkuu Pinda amewataka wakulima wa mpunga Pawaga katika kuepuka na migogoro kati yao na wafugaji kuweka utaratibu wa kukusanya majani ya mpunga na kuyapeleka majumbani kwao ili wafugaji wapate kununua kuliko kuyaacha mashambani na kuwafanya wafugaji kuingiza mifugo yao mashambani.

Waziri Mkuu Mizengo Pinda yupo katika ziara ya siku tano mkoani Iringa kukagua miradi mbalimbali ya maendeleo na baada ya hapo ataelekea mkoani Mbeya kuendelea na ziara.