MUUZA DUKA ATOKWEKA NA PESA ZA MWAJIRI WAKE...!

Edson Mwesigwa, 25 akiwa dukani siku ya mwisho.

MUUZA duka ya rejereja, Edson Mwesigwa miaka 25 mkazi wa Wilaya ya Misenyi  mkoani Bukoba amedaiwa kumwibia mwajiri wake fedha taslimu milioni 2.6 mauzo  ya MPesa usiku wa kuamkia tarehe 26/02/2015 na kisha kutokomea kusikojulikana.

Kijana huyo mwenyeji wa Kijiji cha Kigarama, Kata ya Kanyigo , Tarafa ya Kiziba wilayani Misenyi, Mkoa wa Kagera amedaiwa kumwibia mwajiri wake mauzo ya Mpesa nyumbani kwake Mtaa wa Wilolesi, Kata ya Gangilonga katika Manispaa ya Iringa mkoani Iringa.

Akiongea na Nipashe jana (IJUMAA) mwajiri huyo Edina Byemerwa  mkazi  wa Mtaa wa Wilolesi, Kata ya Gangilonga katika Manispaa ya Iringa alisema siku ya Ijumaa tarehe 26 mwezi Februari mwaka huu aliamka kama kawaida na kwenda kumgongea mtumishi huyo ili awahi kwenda dukani bila mafanikio.

Alisema kuwa alipoona kijana wake wa ndani hafungui mlango ndipo alipolazimisha kufungua mlango na kukuta chumbani kwake hakuwepo mtu na kwenda kumwambia mtoto wake ambaye wakati huo alikuwa anaoga bufuni na kusema  mbona kijana (Edson) hayupo.

Kijana wake ambaye ni mtoto wake ambaye alikuwa anaoga alisikika akisema akimwambia mama yake kuwa hapo sebuleni kuna begi lina hela ya mauzo ya Mpesa aliyeuza jana angalia kama lipo.

Lakini mama huyu alipoangalia vizuri sebuleni alikuta begi halionekani ndipo alirudi tena chumbani kwa mtumishi wa ndani kuchunguza na kukuta amebeba kila kitu kilichokuwa chake.

“Niliamka asubuhi na mapema na kwenda kumwamsha kijana wangu muuza duka la rejareja pale mjini na kukuta kijana chumbani kwake hakuwepo, ndipo nilirudi sebuleni tena kumuuliza mtoto wangu ambaye alikuwa anaoga bafuni kwamba mbona Edson hayupo chumbani kwake! Mtoto akaniambia niangalie begi hapo mezani lina mauzo ya  Mpesa ya jana kama lipo na kukuta kweli begi halipo…” alisema mwajiri huyo.

Hata hivyo, mwajiri huyo alisema wameripoti tukio hilo katika Kituo cha Polisi Iringa kwa tuhuma hizo na amefunguliwa jalada namba IRI/RB/1678/2015 na polisi wameahidi kumpa ushirikiano.

Aliongeza kuwa kijana wa kazi (Edson )alitokea mkoani Bukoba nakuja kufanya kazi ya duka la rejareja mnamo tarehe 23/12/2014 na kwa sasa ni zaidi ya wiki tatu zimepita tangu mtumishi huyo atoweke nyumbani hapo.

“Kijana huyo alikuwa anauza vitu vya dukani na mtoto wangu wa kiume alikuwa anasaidia kuuza Mpesa hapo hapo dukani.

Alisema kuwa mtu yeyote atakayemuona atoe taarifa kituo cha polisi au kwa namba ya simu 0754917217 na kuongea kuwa donge nono litatolewa kwa yeyote atakayefanikisha kupatikana kwa kijana huyo.