Kibiki kuchukua fomu leo...!

MWANAHABARI Frank Kibiki (kulia) anatarajia kuchukua fomu ya kuomba ateuliwe kuwania ubunge wa jimbo la Iringa mjini kupitia tiketi ya Chama Cha Mapinduzi(CCM), leo.

Kibiki anachukua fomu hiyo baada ya chama cha Mapinduzi kufungua pazia la wanaotaka kuwania ubunge kupitia chama hicho, kuanza mbio za kuchuana.

Akizungumza na wanahabari mjini Iringa, Kibiki alisema ameamua kuomba ridhaa ya chama chake kuwania nafasi ya Ubunge wa jimbo la Iringa mjini, baada ya kujipima na kuona anaweza kupeperusha bendera hiyo.

Kutangaza nia kwa Kibiki kuwania jimbo hilo, kumeonekana kubadili upepo wa kiasiasa baada ya kundi kubwa la vijana kumuunga mkono baada ya kuamua kumchangia ili aweze kutimiza adhma hiyo.

Tayari Kibiki amekabidhiwa Sh 250,000 kwa ajili ya fomu hiyo huku fedha nyingine akitarajiwa kupewa leo.

Miongoni mwa vijana wanaoongoza zoezi la kumchangia Kibiki, Maneti Charles alisema, wamemua kufanya hivyo ili kumsaidia kijana mwenzao ambaye, wanafahamu anaweza kusadia kutatua changamoto zinazowakabili wana Iringa.